هاووڵاتییەک لە سنە لەلایەن هێزە ئەمنییەتییەکانەوە دەسبەسەر کرا
11:40 - 25 جۆزەردان 2721
سەرلەبەیانیی ئەمڕۆ سێشەممە ٢٥ی جۆزەردان، هاووڵاتییەکی کورد بە ناوی "میکائیل منبەری"، خەڵکی گوندی "نییەر" و دانیشتووی سنە، لەلایەن هێزە ئەمنییەتییەکانەوە دەسبەسەر کرا.
هێزە ئەمنییەتییەکان، بەبێ بەڵگەی یاسایی هێرشیان کردووەتە سەر ماڵی ئەو هاووڵاتییە و ناوبراویان دەسبەسەر کردووە.
هێزە ئەمنییەتییەکان، پاش پشکنینی ماڵی میکائیل منبەری، هەندێک کەرەستەی کەسیی ناوبراویان لەگەڵ خۆیان بردووە.
هەتا کاتی بڵاوبوونەوەی ئەم هەواڵە، لە هۆکاری دەسبەسەری و تۆمەتی وەپاڵدراو دژی ئەو هاووڵاتییە زانیارییەک لەبەردەستدا نییە.
