٧ هاووڵاتیی بانەیی پاش دەسبەسەرکرانیان بۆ شوێنێکی نادیار ڕاگوێزراون

12:03 - 11 بانەمەڕ 2720

ڕۆژی شەممە ٦ی بانەمەڕ،"هادی ئەحمەدپوور کوڕی مەحموود، ئیدریس کەریم‌زادە، خەلیل کەریمی کوڕی ساڵح، کەریم کەریمی کوڕی ساڵح و بارزان کەریمی کوڕی ساڵح" خەڵکی شاری بانە، لەلایەن هێزە ئیتلاعاتییەکانەوە دەسبەسەر و بۆ شوێنێکی نادیار ڕاگوێزراون.

هێزە ئەمنییەتییەکان، بەبێ بەڵگەی یاسایی هێر شیان کردووەتە سەر ماڵی ئەو هاووڵاتییانە و ئەوانیان دەسبەسەر کردووە.

هەروەها ڕۆژی یەکشەممە ٧ی بانەمەڕ، هێزە ئەمنییەتییەکان بە بێ بەڵگەی یاسایی دوو هاووڵاتیی کوردیان بە ناوەکانی "فەرهاد ئەحمەدی‌پوور کوری عەبدوڵڵا و بێستوون ئەحمەدی‌پوور کوڕی  عەبدوڵڵا" دەسبەسەر کردووە و بۆ شوێنێکی نادیاریان ڕاگواستووە.

هەتا ئێستا بەدواچوونی بنەماڵەی ئەو ٧ هاووڵاتییە کوردە دەسبەسەر کراونە، بۆ ئاگاداربوون لە چارەنووسی کوڕەکانیان بێ ئاکام ماوەتەوە و هەتا ئێستا ناوەندە ئیتلاعاتییەکان لە دانی هەر جۆرە زانیارییەک  بە بنەماڵەی دەسبەسەرکراوەکان خۆیان دەبوێرن.