پاوه؛ سوهەیل فیردەوسی، کۆڵبەری ۱۸ ساڵە، بە تەقەی ڕاستەوخۆی هێزەکانی سپای پاسداران کوژرا

یەکی گەلاوێژی ۱٤۰۵؛ دوانیوەڕۆی ڕۆژی پێنجشەممە «سوهەیل فیردەوسی»، کۆڵبەری ۱۸ ساڵان، لە کاتی کۆڵبەریدا لەسەر سنووری «تەتە» کەوتە بەر تەقەی ڕاستەوخۆی فیشەکی جەنگیی هێزە نیزامییەکانی سپای پاسداران و دەستبەجێ گیانی لەدەست دا.

سەرچاوەیەکی ئاگادار وێڕای پشتڕاستکردنەوەی ئەم هەواڵە بە کوردپای ڕاگەیاند؛ «سوهەیل فیردەوسی»، ۱۸ ساڵان و خەڵکی ئاوایی «دەزاوەر» سەر بە شاری پاوه لە پارێزگای کرماشان، دوانیوەڕۆی ئەمڕۆ لە کاتی کۆڵبەریدا لەسەر سنووری «تەتە» لە نزیکی پاوه، کەوتە بەر تەقەی ڕاستەوخۆی فیشەکی جەنگیی هێزەکانی سپای پاسداران و دەستبەجێ گیانی لەدەست دا.

سنووری «تەتە» کە بە «گەردەنەی تەتە»ش دەناسرێت، لە خای سەفرە سنوورییەکانە لە درێژەی زنجیرەچیاکانی زاگرۆس و لەسەر سنووری نێوان شاری سەوڵاوا لە پارێزگای کوردستان و شاری پاوه لە پارێزگای کرماشان هەڵکەوتووە.