نەوسوود؛ دوو کۆڵبەر بە تەقەی ڕاستەوخۆی هێزەکانی حکوومەت بریندار کران
12:08 - 12 سەرماوەز 2721
ڕۆژی پێنجشەممە ١١ی سەرماوەز، دوو کۆڵبەری کورد بە تەقەی ڕاستەوخۆی نیزامییەکانی حکوومەت لە سنووری نەوسوود بریندار و ڕەوانە ناوەندە دەرمانییەکان کران.
نیزامییەکانی حکوومەت بەبێ ئاگادارکردنەوەی پێشوو تەقەیان لە کۆمەڵێک کۆڵبەر کردووە و ئەو دوو کۆڵبەرەیان بریندار کردووە.
بە وتەی سەرچاوەیەکی ئاگادار یەکێک لە کۆڵبەرە بریندارەکان لە بەرزاییەوە بەر بووەتەوە و سەری بەتوندی بریندار بووە.
تاکوو ئێستا شوناسی ئەو دوو کۆڵبەرە بۆ کوردپا ڕوون نەبووەتەوە.
ئەم دوو کۆڵبەرە دوای ئەو ڕووداوە بۆ چارەسەرکردنی پزیشکی ڕەوانەی ناوەندە دەرمانییەکان کراون.
