نوێترین كۆمەڵە شێعری كوردیی كەلهوڕی لە كرماشان بڵاو كرایەوە

ئاژانسی كوردپا: كۆمەڵە شێعری كوردی بە زاراوەی كەلهوڕی لەلایەن \"سەید یوونس هاشمی\" شاعێری كرماشانییەوە چاپ و بڵاو كرایەوە.

بەپێی راپۆرتی گەیشتوو بە ئاژانسی هەواڵدەریی كوردپا، كۆمەڵە شێعری \"واو دیورە نەنیش\" لە نووسنی سەید یوونس هاشمی لەلایەن وەشانگەی \"باخی نەی\" كرماشانەوە چاپ و بڵاو كراوەتەوە.

ئەم كۆمەڵە شێعرە بەرهەمی حەوت ساڵ هەوڵی ئەدەبیی شاعیرە كە بریتیە لە قاڵبی چوارخشتەكی، دووبەیتی و تەرجیعە بەند و غەزەل و زمانی ئەو كۆمەڵە شیعرە زمانێكی رەوان و لە فەزایەكی رەسەنی ناوچەیدا و بە وشەی رەسەن هۆنراوەتەوە.

كۆمەڵە شێعری \"واو دیورە نەنیش\" لە 96 لاپەڕە و بە هەژماری 1000 دانە چاپ و بڵاو كراوەتەوە.