ناڕوونیی چارەنووسی هاووڵاتییەکی کورد پاش نزیک بە دوو مانگ لە دەسبەسەری
12:13 - 5 گەلاوێژ 2722
سەرەڕای تێپەڕینی نزیک بە دوو مانگ لە کاتی دەسبەسەریی هاووڵاتییەکی کورد بە ناوی "داریووش مێهدی‌زادە" کوڕی نەسروڵڵا خەڵکی گوندی "پاڵنگان" و دانیشتووی شاری کامێران، لە چارەنووسی ئەو هاووڵاتییە زانیارییەک لە بەردەستدا، نییە.
بەوتەی سەرچاوەیەکی ئاگادار، ئەو هاووڵاتییە لە گرتنگەی ئیدارەی ئیتلاعاتی سنە لە ژێر لێکۆڵینەوەدایە و لە ماوەی دەسبەسەرکرانیدا لە چاوپێکەوتن لەگەڵ بنەماڵەکەی و دەستپێڕاگەیشتن بە پارێزەر، بێبەری کراوە.
ئەو سەرچاوەیە هەروەها ئەوەشی خستەڕوو: داریووش مێهدی‌زادە لە ئاژانسێکی موسافیربەری لە شاری کامێران خەریکی کار کردن بووە.
ئەو هاووڵاتییە خێزاندار و باوکی کچێکە.
هەتا ئێستا لە هۆکاری گیران و تۆمەتی وەپاڵدراو دژی ئەو هاووڵاتییە زانیارییەک دەست نەکەوتووە.
