ناوەندی هانا لە ئیلام چالاكییە فەرهەنگییەكانی دەست پێدەكاتەوە

ئاژانسی كوردپا: ئەو ناوەندە بە گرتنی كۆڕ و كۆبوونەوەی ئەدەبی و هێنانە بەرباسی پرسە فەرهەنگییەكان جاریكی دیكە چالاكییەكانی دەست پێدەكاتەوە.

بەپێی هەواڵی ئاژانسی هەواڵدەریی كوردپا، ئەو ناوەندە ماوەیەك بوو كە چالاكییەكانی راگرتبوو، بەڵام لە حاڵی حازردا بە بانگهێشت كردنی شاعیر و كەسانی ئەدیب و فەرهەنگی وەكوو \"حەبیبوڵڵا بەخشوودە، نعیمەتوڵڵا داوودیان، مەهدی ئارمانی و جەلیل ئاهەنگەر نژاد\" چالاكییەكانی دەست پێكردۆتەوە.

ناوەندی ئەدەبی و فەرهەنگی هانا یەکێک لە ناوەندە فەرهەنگییە كوردییەکانی بواری ئەدەبی كوردیی ئیلام و کرماشانە و گەلێک چالاکیی ئەنجام داوە و کۆمەڵێک لە ئەدیب و نووسەرانی ئەو ناوچەیە تێیدا ئەندامن.

ئەو ناوەندە ساڵی 1387 لەلایەن مستەفا بەیگی و ژمارەیەك لە شاعیران و نووسەرانی خەڵكی ئیلامەوە دامەزراوە.