ناستانداردبوونی جادەی روانسەر گیانی هاووڵاتییانی خستۆتە مەترسییەوە

16:05 - 21 پووشپەڕ 2712
کوردستان
ئاژانسی كوردپا: ناستانداردبوونی جادەكانی روانسەر و بەتایبەتی نەبوونی نەردەی كەنار پردەكان گیانی هاووڵاتییانی خستۆتە مەترسییەوە و بەهۆی بەربوونەوەی ماشین ٣ هاووڵاتی مردوون و یەكێكی دیكەش بە توندی بریندار بووە.

بەپێی هەواڵی ئاژانسی هەواڵدەریی كوردپا، ئەمڕۆ چوارشەممە لە كەمەربەندیی جادەی روانسەر و لەسەر پردێك كە لەسەر رووبارێك هەڵكەوتووە، بەهۆی نەبوونی نەردەی پەرژینی كەنار پرد ماشێنێك بەر بۆتەوە و دوو هاووڵاتی بەناوەكانی: مەسعەد محەممەدی و ئێحسان زیایی گیانیان لەدەست داوە.

رۆژی یەكشەممە رێكەوتی 18ی پووشپەڕ لەسەر هەمان جادە و لە سێ‌ رێیانی \"قازانچی\" بەهۆی پێكدادانی ماشین هاووڵاتییەك مردووە و یەکێکی دیکەش بە توندی بریندار بووە و ئێستا لە نەخۆشخانە لە بێهۆشی دایە.

بە وتەی دانیشتوانی روانسەر لایەنە بەرپرسەكان و بەتایبەت ئیدارەكانی هاتوچۆ و رێگاوبان لەمەڕ رەچاو كردنی ستانداردی جادەكان و دانانی هێما و بەتایبەت هەڵبەستنی پەرژین و نەردە بۆ پردەكان كەمتەرەخەمن و ئەمەش بۆتە مەترسییەك بۆ گیانی هاووڵاتییانی ئەو ناوچە و ساڵانە دەیان رووداوی هاتوچۆ لەسەر ئەو جادەیە روو دەدات.
11:15 - 5 سەرماوەز 2724
ڕاگواستنی فەرەیدوون سوڵتانی بۆ گرتنگەی ئیتلاعاتی ورمێ و درێژکردنەوەی بڕیاری دەسبەسەرکرانی بۆ ماوەی مانگێکی دیکە
11:10 - 5 سەرماوەز 2724
سنە؛ گرووپێک لە ژنان بە ئامادەبوون لەسەر مەزاری ژنانی کوژراو، توندوتیژیی سیستماتیکیان مەحکووم کرد و جەختیان لەسەر درێژەپێدانی خەبات کردەوە
11:03 - 5 سەرماوەز 2724
سنە؛ سەیران خوسرەوی، چالاکی مەدەنی لەلایەن هێزە ئەمنییەتییەکانەوە دەسبەسەر کرا
10:56 - 5 سەرماوەز 2724
مەیسەم نووری، بەندکراوی خەڵکی قوروە لە بەندیخانەی هەمەدان لە سێدارە درا