مێرمنداڵێکی تەمەن ١٧ ساڵە لە شاری کامێران کۆتایی بە ژیانی خۆی هێنا

ڕۆژی چوارشەممە ٢ی خەرمانان، مێرمنداڵێکی تەمەن ١٧ ساڵ بە ناوی "سینا سادقی" کوڕی ئیبراهیم خەڵکی شاری کامێران، کۆتایی بە ژیانی خۆی هێنا.

هەواڵدەریی "هێرانا" لەوبارەیەوە نووسیویەتی: "ئەو مێرمنداڵە بەهۆی هێندێک کێشەی بنەماڵەیی لە ڕێگای خواردنی "قورسی برینج" هەوڵی خۆکوژی داوە.

پاش گواستنەوەی ئەو مێرمنداڵە بۆ نەخۆشخانە و هەوڵی کادری پزیشکی بۆ ڕزگارکردنی لە مردن بێئاکام بووە و بەهۆی ژاراویبوونی جەستەی گیانی لەدەست داوە.