مێرمنداڵێک و لاوێک لە پارێزگای سنە کۆتاییان بە ژیانی خۆیان هێنا

ڕۆژی سێشەممە ٨ی خەرمانان، مێرمنداڵێک بە ناوی "شەهداد نێعمەتی" تەمەن ١٣ ساڵ کوڕی محەممەدنەجیب خەڵکی گوندی "تەختە"ی بەخشی ناوەندیی شاری سنە، هەوڵی خۆکوژیدا و کۆتایی بە ژیانی خۆی هێنا".

سەرچاوەیەکی ئاگادار لەو بارەیەوە بە "کوردپا"ی ڕایگەیاندووە: "ئەو مێرمنداڵەیە بەهۆی تووشبوون بە "خەمۆکی" کۆتایی بە ژیانی خۆی هێناوە".

ئەو سەرچاوەیە هەروەها ئەوەشی خستە ڕوو: "شەهداد نێعمەتی لە ڕێگای خۆهەڵواسینەوە هەوڵی خۆکوژی داوە".

لەلایەکی دیکەوە، لاوێکی تەمەن ١٩ ساڵ بە ناوی "کارزان سابیری" خەڵکی شاری کامیاران، هەوڵی خۆکوژی داوه و کۆتایی بە ژیانی خۆی هێنا.

ئەو لاوە بە خواردنی حەبی "برینج" هەوڵی خۆکوژی داوە.