ماوەی دەسبەسەرکردنی لاوێکی مەریوانی درێژ کرایەوە
![](/content/upload/1/news-kurdpa/855.jpg)
بڕیاری ڕاگرتنی ئەندامێکی ئەنجومەنی سەوزی چیای مەریوان بە ناوی "ئامانج نیک پەی" کوڕی "خالید"، تەمەن ٢٢ ساڵ و خەڵکی گوندی "نێ" بۆ مانگێکی دیکە درێژ کرایەوە.
سەرچاوەیەکی ئاگادار لەو بارەیەوە بە ئاژانسی کوردپای ڕاگەیاند: "لەسەر داوای ئیدارەی ئیتلاعاتی مەریوان بۆ درێژەی لێپرسینەوە لەو لاوە کوردە، بڕیاری دەسبەسەرییەکەی بۆ مانگێکی دیکە درێژ کرایەوە."
ئەو سەرچاوەیە هەروەها وتی: "ئەو ئەندامەی ئەنجومەنی سەوزی چیا لە کاتی دەسبەسەرکرانیدا هەتا ئێستا لە پەیوندیی تەلەفۆنی، پەیوەندی لەگەڵ بنەماڵەی و دەستپێڕاگەیشتن بە پارێزەر، بێبەری بووە".
"ئامانج نیک پەی" هەنووکە لە گرتنگەی ئیدارەی ئیتلاعاتی مەریوان لەژێر لێپرسینەوەدایە.
ڕۆژی سێشەممە، ٢٤ی بەفرانبار، "ئامانج" بەبێ بەڵگەی یاسایی لەلایەن هێزە ئیتلاعاتییەکانەوە دەسبەسەر و لە تۆمەتی وەپاڵدراوی ناوبراو هیچ زانیارییەک لەبەر دەستدا نییە.