لەیلا ئیبراهیم نادری بە دانانی بارمتە لە زیندانی ورمێ ئازاد کرا

11:07 - 5 بانەمەڕ 2722

ڕۆژی یەکشەممە ٤ی بانەمەڕ، هاووڵاتییەک بە ناوی "لەیلا ئیبراهیم نادری" کچی عومەر خەڵکی گوندی "سۆغالوو"ی شاری پیرانشار بە دانانی بارمتە لە زیندانی ورمێ ئازاد کرا.

ئەو ژنە بە دانانی بارمتەی ١ میلیارد تمەنی هەتا کاتی دادگاییەکەی بە شێوەی کاتی لە زیندانی ورمێ ئازاد کراوە.

ئێوارەی ڕۆژی شەممە ٢٧ی خاکەلێوە، لەیلا ئیبراهیم نادری بەبێ بەڵگەی یاسایی لەلایەن هێزە ئەمنییەتییەکانەوە دەسبەسەر و بۆ لێپرسینەوە ڕەوانەی گرتنگەی ئیتلاعاتی سپا لە شاری پیرانشار کرابوو.

ئەو هاووڵاتییە پاش تەواوبوونی لێپرسینەوەکەی بۆ بەندی ژنان لە زیندانی ورمێ ڕاگوێزرابوو.

هەتا ئێستا لە هۆکاری دەسبەسەری و تۆمەتی دژی ئەو هاووڵاتییە زانیارییەکی ورد بە دەست نەهاتووە.