لەشاری بۆكان رێز لەهونەرمەندان و وەرزشكاران گیرا
14:56 - 20 رێبەندان 2713
ئاژانسی كوردپا: شۆرای شاری بۆكان لەرێوڕەسمێكدا كار و تێكۆشانی هونەمەرندان و وەرزشكارانی ئەو شارەیان بەرز نرخاند و رێزیان لێگرتن.
بەپێی هەواڵی هەواڵنێری ئاژانسی كوردپا لەشاری بۆكان، ئەندامانی شۆرای شاری بۆكان رێزیان لە لوقمان رەحیمی وێنەگر و براوەی خەڵاتی نێودەوڵەتی و هەروەها فازڵ قادرپوور، كەماڵ عەلی خاهئازەر و لوقمان ئاراستە وەرزشكارانی ئەو شارەوە و براوەی میداڵی ئاسیا، گرت.
لەو رێوڕەسمەدا، گرووپی مۆسیقای \"ژینو\" و گرووپی هەڵپەركێی دیلان چەند پارچە گۆڕانی و هەڵپەركێیان پێشكەش بە بەشداران كرد.
هەواڵنێری كوردپا لەزاری یەكێك لەبەشدارانی رێوڕەسمەكەوە رایگەیاند، لوقمان رەحیمی ئەو پارەیەی كە وەكوو خەڵات پێی بەخشراوە، بەمەستی چاپی كتێبێك پێشكەشی عەزیز میرزا قادری شاعیر و ئەدیبی شاری بۆكانی كردووە.
كتێبی هەنگاو شێعر و وێنەی شاعیرانی ناوداری كوردستانی ئێرانی لەخۆ گرتووە و ئەو بەرهەمە دەست و پەنجەی لوقمان رەحیمیشی پێوە دیارە.
لوقمان رەحیمی خاوەن وێنەگریی \"كۆداک\"ی شاری بۆكانە و چەندین خەڵاتی نێودەوڵەتیی وەک \"ركابەرییەكانی وڵاتی \"ئیسلۆنی\" میداڵی زێڕ، پلەی دووەمی فێستیڤاڵی هەزارەی سێیەمی رێکخراوی نەتەوە یەكگرتووەكان و هەروەها تاجی شانازی فێستیڤاڵی نێونەتەوەیی فۆتۆ ژورنالیسمی ئەنجۆمەنی وێنەگری ئەمریكای لەبواری باشترین وێنەدا بەدەست هێناوە.
بەپێی هەواڵی هەواڵنێری ئاژانسی كوردپا لەشاری بۆكان، ئەندامانی شۆرای شاری بۆكان رێزیان لە لوقمان رەحیمی وێنەگر و براوەی خەڵاتی نێودەوڵەتی و هەروەها فازڵ قادرپوور، كەماڵ عەلی خاهئازەر و لوقمان ئاراستە وەرزشكارانی ئەو شارەوە و براوەی میداڵی ئاسیا، گرت.
لەو رێوڕەسمەدا، گرووپی مۆسیقای \"ژینو\" و گرووپی هەڵپەركێی دیلان چەند پارچە گۆڕانی و هەڵپەركێیان پێشكەش بە بەشداران كرد.
هەواڵنێری كوردپا لەزاری یەكێك لەبەشدارانی رێوڕەسمەكەوە رایگەیاند، لوقمان رەحیمی ئەو پارەیەی كە وەكوو خەڵات پێی بەخشراوە، بەمەستی چاپی كتێبێك پێشكەشی عەزیز میرزا قادری شاعیر و ئەدیبی شاری بۆكانی كردووە.
كتێبی هەنگاو شێعر و وێنەی شاعیرانی ناوداری كوردستانی ئێرانی لەخۆ گرتووە و ئەو بەرهەمە دەست و پەنجەی لوقمان رەحیمیشی پێوە دیارە.
لوقمان رەحیمی خاوەن وێنەگریی \"كۆداک\"ی شاری بۆكانە و چەندین خەڵاتی نێودەوڵەتیی وەک \"ركابەرییەكانی وڵاتی \"ئیسلۆنی\" میداڵی زێڕ، پلەی دووەمی فێستیڤاڵی هەزارەی سێیەمی رێکخراوی نەتەوە یەكگرتووەكان و هەروەها تاجی شانازی فێستیڤاڵی نێونەتەوەیی فۆتۆ ژورنالیسمی ئەنجۆمەنی وێنەگری ئەمریكای لەبواری باشترین وێنەدا بەدەست هێناوە.
