لە مەریوان بەدژی گەڵاڵەی جیاكردنەوەی رگەزیی لەناو زانكۆ واژۆ كۆ دەكرێتەوە

13:57 - 3 خەزەڵوەر 2712
کوردستان مافی مرۆڤ
ئاژانسی كوردپا: پاش ئەوەی كەلە لە رۆژانی رابردوودا گەڵاڵەی جیاكردنەوەی رەگەزی لە هێندێ‌ لە وانەكانی زانكۆی پەیام نووری مەریوان بەر فەرمی جێبەجێ‌ كرا، ناڕەزایەتیی خوێندكارانی لێكەوتەوە و سەرقاڵی كۆكردنەوەی واژۆ بۆ هەڵوەشاندنەوەی ئەو بڕیارەن.

سەرچاوەیەكی ئاگادار لەناو زانكۆی پەیام نووری مەریوان بە ئاژانسی هەواڵدەریی كوردپای راگەیاند، لە رۆژی 1ی خەزەڵوەرەوە لەناو زانكۆی پەیام نوور و ئەنجومەن و سینفەكانی دیكەی ئەو شارە شەپۆلێكی كۆكردنەوەی واژۆ بۆ هەڵوەشاندنەوەی ئەو بڕیاری جێبەجێ‌ كردنی جیاكردنەوەی رەگەزی دەستی پێكردووە و هەتا ئێستا نزیك بە 5 هەزار كەس واژۆیان كردووە.

بەپێی هەمان سەرچاوە بڕیارە ئەو شەپۆلە واژۆ كۆكردنەوە هەتا رۆژی پێنج شەممە رێكەوتی 4ی خەزەڵوەر دەخایەنێت.

بەپێی هەواڵ و سەرچاوەكان لە مەریوان هاوكات لەگەڵ دەسپێكی ساڵی نوێی خوێندن، زەخت و گوشار و بەرتەسك كردنەوەی چالاكییە فەرهەنگی و سینفییەكان لەناو زانكۆی پەیام نوور دەستی پێكردووە و بە فەرمی لقی ئیدارەی ئیتلاعاتی مەریوان لەناو زانكۆ دانراوە.
17:05 - 5 سەرماوەز 2724
جێبەجێکرانی سزای لەسێدارەدانی مستەفا سووری لە بەندیخانەی کرماشان
11:15 - 5 سەرماوەز 2724
ڕاگواستنی فەرەیدوون سوڵتانی بۆ گرتنگەی ئیتلاعاتی ورمێ و درێژکردنەوەی بڕیاری دەسبەسەرکرانی بۆ ماوەی مانگێکی دیکە
11:10 - 5 سەرماوەز 2724
سنە؛ گرووپێک لە ژنان بە ئامادەبوون لەسەر مەزاری ژنانی کوژراو، توندوتیژیی سیستماتیکیان مەحکووم کرد و جەختیان لەسەر درێژەپێدانی خەبات کردەوە
11:03 - 5 سەرماوەز 2724
سنە؛ سەیران خوسرەوی، چالاکی مەدەنی لەلایەن هێزە ئەمنییەتییەکانەوە دەسبەسەر کرا