لە ماوەی ٦ مانگی یەکەمی ساڵی ٩٩دا حوکمی زیاتر لە ٢٥٠ ساڵ زیندان، ئێعدام و لێدانی قامچی بۆ ٧٦ هاووڵاتیی کورد بڕاوەتەوە

بەپێی ئاماری تۆمارکراو لە ناوەندی ئاماری ڕێکخراوی مافی مرۆڤیی کوردپا، لە ماوەی ٦ مانگی یەکەمی ساڵی ١٣٩٩، بە گشتیی ٦٧ هاووڵاتیی کورد سەرجەم بە تۆمەتی "ئەمنییەتی" لەلایەن دەزگای قەزایی حکوومەتی ئیسلامیی ئێران، بە زیندان و سزای دیکە مەحکووم کراون.

کەمترین سزا دوو مانگ زیندان و زۆرترینیان لەسێدارەدان بووە.

چۆنییەتی سزاکان:

مەحکووم بە ئێعدامی زیندانییانی سیاسیی و عەقیدەتی: ٢ حاڵەت

زیندانی تەعزیری: ٢٢١ ساڵ، ٩ مانگ و ٣ ڕۆژ

زیندانی تەعلیقی: ٢٨ ساڵ و ٣ مانگ

لێدانی قامچی: ٣٠٤ زەربە

دوورخرانەوە بۆ زیندانی ناوچە دوورخراوەکان: ١ حاڵەت

سزای نەختی: ٢٥٠ ملیۆن تمەن

تۆمەتی ‌وەپاڵدراو لە کاتی سەپاندنی سزاکان:

هاوکاری لەگەڵ یەکێک لە حیزبە کوردییەکانی ئۆپۆزیسیۆنی ئێران: ٢٩ حاڵەت

بەشداری لە کۆبوونەوە ناڕەزایەتییەکانی مانگی بەفرانباری ساڵی ٩٦ لە شاری بانە لە هەمبەر کوژرانی کۆڵبەران: ١٠ حاڵەت

هەوڵدان دژی تەناهی نەتەوەیی: ١٠ حاڵەت

تێکدانی نەزمی گشتیی: ٦ حاڵەت

ئەندامبوون لە گرووپە توندەوە مەزهەبییەکان: ٤ حاڵەت

ئاگرتێبەردانی بنێری قاسم سلێمانی: ٣ حاڵەت

بەشداری لە کۆبوونەوە بە مەبەستی ئاژاوەنانەوە: ٢ حاڵەت

سیخوڕیکردن بۆ دەوڵەتانی بیانی و دوژمن: ٢ حاڵەت

کۆبوونەوە و تەبانی: ٢ حاڵەت

سەرپێچی و بێڕێزی بە حکوومەت و مەئموورانی حکوومەتی: ١ حاڵەت

بەزاندنی نایاسایی سنوور: ١ حاڵەت

کڕین و فرۆشتنی چەک و چۆڵ: ١  حاڵەت

ئەندامبوون لە کۆمەڵەکانی دژبەری نیزام: ١ حاڵەت

بڵاوکردنەوەی هەواڵی ناڕاست: ١ حاڵەت

موعاربە: ١ حاڵەت

بیاڤی چالاکیی ژمارەیەک لەو کەسانە دیاری کراوە:

٧ چالاکی مەزهەبی، ٥ چالاکی ژینگەپارێزی، ٥ چالاکی فەرهەنگی، ٤ ڕۆژنامەوان، ٣ چالاکی مەدەنی، ٢ زیندانیی سیاسی، چالاکێکی بواری ژنان، چالاکێکی کرێکاری، ئەندامێکی حیزبی وەحدەتی میللیی، ١١ مامۆستای پێشووی زانکۆ و یەکێک لە دەسبەسەرکراوەکانی مانگی خەزەڵوەری ساڵی ٩٨.

ناوەندیی ئاماری ڕێکخراوی هەواڵدەریی کوردپا

ئامادەکردنی: ئەوین مستەفازادە