لاوێكی كورد لە تاران بەهۆی رووداوی كارەوە گیانی لەدەست دا

13:26 - 25 رەزبەر 2712
کوردستان
ئاژانسی كوردپا: لاوێكی كوردی خەڵكی بەخشی \"هەورامان تەخت\"ی شاری سەوڵاوا لە تاران بەهۆی رووداوی كارەوە گیانی لەدەست دا.

بەپێی هەواڵی ئاژانسی هەواڵدەریی كوردپا، لاوێكی كورد بەناوی عەباس مورادی كوڕی عەلی تەمەن 22 ساڵ و خەڵكی بەخشی \"هەورامان تەخت\"ی سەر بە شاری سەوڵاوا كەلە تاران لە كارگەیەك سەرقاڵی كرێكاری بووە، رێكەوتی 21ی رەزبەر كەوتۆتە ژێر دەزگایەك و گیانی لەدەست داوە.

بەهۆی نەبوونی دەرەتان و هەلی كار لە ناوچە كوردنشینەكانی ئێران زۆرێك لە لاوان بۆ پەیداكردنی بژیوی ژیان روو لە شارەكانی دیكەی ئێران دەكەن و ساڵانە چەندین رووداوی گیان لەدەست دانی لاوان و كرێكارانی كورد بەهۆی رووداوی كارە لە شارە جۆراوجۆرەكانی ئێران دێتە ئاراوە.

بەپێی ئاماری تۆماركراو لە ناوەندی ئاماری ئاژانسی هەواڵدەریی كوردپا، لە سەرەتای ئەمساڵەوە هەتا ئێستا نزیک بە ٣٠ كرێكاری كورد لە ناوچە كوردنشینەكانی كوردستان بە هۆی رووداوی كارەوە گیانیان لەدەست داوە.
17:05 - 5 سەرماوەز 2724
جێبەجێکرانی سزای لەسێدارەدانی مستەفا سووری لە بەندیخانەی کرماشان
11:15 - 5 سەرماوەز 2724
ڕاگواستنی فەرەیدوون سوڵتانی بۆ گرتنگەی ئیتلاعاتی ورمێ و درێژکردنەوەی بڕیاری دەسبەسەرکرانی بۆ ماوەی مانگێکی دیکە
11:10 - 5 سەرماوەز 2724
سنە؛ گرووپێک لە ژنان بە ئامادەبوون لەسەر مەزاری ژنانی کوژراو، توندوتیژیی سیستماتیکیان مەحکووم کرد و جەختیان لەسەر درێژەپێدانی خەبات کردەوە
11:03 - 5 سەرماوەز 2724
سنە؛ سەیران خوسرەوی، چالاکی مەدەنی لەلایەن هێزە ئەمنییەتییەکانەوە دەسبەسەر کرا