لاوێكی مەریوانی لە تاوانەكەی تەبرئە كرا

كوردپا: لاوێكی خەڵكی گوندی \"نێ‌\"ی سەر بە مەریوان كە دوو مانگ لەمەوبەر لەلایەن هێزەكانی ئیتلاعاتی ئەو شارەوە دەستبەسەر كرابوو، لە تاوانەكەی تەبرئە كرا.
بەپێی هەواڵی گەیشتوو بە ئاژانسی هەواڵدەریی كوردپا: زانیار ئەفسەری تەمەن 19 ساڵ كۆڕی ئەحمەد رێكەوتی 19‎ی گەلاوێژی ئەمساڵ بە تاوانی هاوكاری لەگەڵ حیزبێكی كوردی دژبەری حكوومەتی ئێران دەستبەسەر كرابوو.
ئەو لاوە دوای راگیرانی بۆ ماوەی یەك مانگ لە گرتنگەی ئیدارەی ئیتلاعاتی شاری مەریوان، بە دانانی وەسیقەی50 میلیۆن تمەن ئازاد كرابوو.
زانیار ئەفسەری رێكەوتی 18‎ی رەزبەر بۆ جارێكی تر بانگهێشتی دادگا كرایەوە و لە تاوانەكەی تەبرئە كرا.
لە ماوەی یەك ساڵی رابردوودا نزیك بە 20 كەس لە دانیشتوانی گوندی نێ‌ لەلایەن دەزگا ئەمنیەتییەكانی حكوومەتی ئیسلامیی ئێرانەوە دەستبەسەر كراون.
تۆمەتی سەرجەم ئەو هاووڵاتیانە، هەوڵدان بە دژی تەناهیی نەتەوەیی راگەیەنراوە.