شوناسی سێ کەس لە دەسبەسەرکراوەکانی شاری سەقز ئاشکرا کرا
14:54 - 17 بەفرانبار 2717
ئاژانسی کوردپا: هێزە ئیتلاعاتییەکان ژمارەیەک خەڵکی ناڕازییان لە شاری سەقز، دەستبەسەر کردووە و بۆ شوێنێکی نادیاریان ڕاگواستووە.
بەپێی هەواڵی گەیشتوو بە ئاژانسی هەواڵدەریی کوردپا، ئێوارەی چوارشەممە ١٣ی بەفرانبار، هێزە حکوومەتییەکان لە شاری سەقز، لە مەیدانی \"هەڵۆ\"ی ئەو شارە هێرشیان کردە سەر خۆپیشاندەران و ژمارەیەک لە هاووڵاتییانیان دەسبەسەر کرد.
هەواڵنێری کوردپا لە شاری سەقز، شوناسی سێ کەس لەو دەسبەسەرکراوانەیان بە ناوەکانی \"فەزیلەت مستەفایی، جاوید دەباغی و پژمان سۆرە\" ڕاگەیاندووە.
بەپێی ئەو ڕاپۆرتە، هاووڵاتییانی دەسبەسەرکراو، لە کاتی هێرشی هێزە ئیتلاعاتییەکان لەگەڵ ئازار و ئەشکەنجە بەڕەڕوو بوونەتەوە.
ئێوارەی ڕۆژی چوارشەممە ١٣ی بەفرانبار، هاووڵاتییانی خەڵکی شاری سەقز، لە ڕاستای پشتیوانیی لە ناڕەزایەتییە خەڵکییەکان لە ئێراندا و ناڕەزایەتیی بە دۆخی هەنووکەیی، لە مەیدانی \"هەڵۆ\" کۆ بوونەوە، کە بە هاتنی هێزە حکوومەتییەکان توندوتیژی لێ کەوتەوە.
هەتا کاتی بڵاوبوونەوەی ئەم هەواڵە، هیچ زانیارییەک لەمەڕ چارەنووس و شوێنی ڕاگیرانی هاووڵاتییانی دەسبەسەرکراو لە شاری سەقز لە بەردەستدا نییە.
بە هۆی کەشوهەوا ئەمنییەتی و میلیتاریزە کردنی کوردستان و نەبوونی ڕاگەیاندنی ئازاد بۆ ڕووماڵی هەواڵەکان، هەتا ئێستە ئامارێکی ورد و دروست لە دەسبەسەرکراوانی ناڕازی لە بەردەستدا نییە.
بەپێی هەواڵی گەیشتوو بە ئاژانسی هەواڵدەریی کوردپا، ئێوارەی چوارشەممە ١٣ی بەفرانبار، هێزە حکوومەتییەکان لە شاری سەقز، لە مەیدانی \"هەڵۆ\"ی ئەو شارە هێرشیان کردە سەر خۆپیشاندەران و ژمارەیەک لە هاووڵاتییانیان دەسبەسەر کرد.
هەواڵنێری کوردپا لە شاری سەقز، شوناسی سێ کەس لەو دەسبەسەرکراوانەیان بە ناوەکانی \"فەزیلەت مستەفایی، جاوید دەباغی و پژمان سۆرە\" ڕاگەیاندووە.
بەپێی ئەو ڕاپۆرتە، هاووڵاتییانی دەسبەسەرکراو، لە کاتی هێرشی هێزە ئیتلاعاتییەکان لەگەڵ ئازار و ئەشکەنجە بەڕەڕوو بوونەتەوە.
ئێوارەی ڕۆژی چوارشەممە ١٣ی بەفرانبار، هاووڵاتییانی خەڵکی شاری سەقز، لە ڕاستای پشتیوانیی لە ناڕەزایەتییە خەڵکییەکان لە ئێراندا و ناڕەزایەتیی بە دۆخی هەنووکەیی، لە مەیدانی \"هەڵۆ\" کۆ بوونەوە، کە بە هاتنی هێزە حکوومەتییەکان توندوتیژی لێ کەوتەوە.
هەتا کاتی بڵاوبوونەوەی ئەم هەواڵە، هیچ زانیارییەک لەمەڕ چارەنووس و شوێنی ڕاگیرانی هاووڵاتییانی دەسبەسەرکراو لە شاری سەقز لە بەردەستدا نییە.
بە هۆی کەشوهەوا ئەمنییەتی و میلیتاریزە کردنی کوردستان و نەبوونی ڕاگەیاندنی ئازاد بۆ ڕووماڵی هەواڵەکان، هەتا ئێستە ئامارێکی ورد و دروست لە دەسبەسەرکراوانی ناڕازی لە بەردەستدا نییە.
