شایەتحاڵێك: ئاسەواری مێژوویی دۆزراوەی گوندێكی تیكاب بە تاڵان دەبرێن

13:03 - 21 خەزەڵوەر 2712
کوردستان
ئاژانسی كوردپا: بەپێی سەرچاوە ناوچەییەكان لە گوندێكی دەورووبەری شاری تیكاب كۆمەڵێك ئاسەوار و كەلوپەلی مێژوویی دۆزراونەتەوە و لەلایەن حكوومەتەوە رەوانەی تاران دەكرێن.

بەپێی هەواڵی ئاژانسی هەواڵدەریی كوردپا، ماوەی زیاتر لە دە رۆژە لەناو كانگایەكی بەرد لە گوندی \"كەجە گومەد\"ی سەر بە شاری تیكاب لە پارێزگای ئازەربایجانی رۆژئاوا، كۆمەڵێك ئاسەواری مێژوویی و كەونارایی دۆزراونەتەوە، بەڵام لەلایەن هێزە نیزامییەكانی حكوومەتەوە بەبێ‌ ئامادەبوونی \"رێكخراوی میراتی فەرهەنگی\" رەوانەی تاران دەكرێن.

سەرچاوەیەكی ئاگادار لەم مەسەلەیە بە ئاژانسی هەواڵدەریی كوردپای راگەیاندووە، ئەو ئاسەوارە مێژووییانە كە دۆزراونەتەوە بریتین لە\"ئاڵتۆن، پەرداخی جۆراوجۆر و كەرەسەی كۆنی نەشتەرگەری\" كەلە كاتی هەڵکەندنی تەپۆڵكەیەك لەناو كانەبەردی گوندی \"كەجە گومەد\" دۆزراونەتەوە.

ئەو سەرچاوەیە ئاماژەی بەوەش دا: \"بەپێی زانیاریی سەرچاوە ناوچەییەكان ئێستا هێزە نیزامییەكانی حكوومەت دەوری ئەو كانەبەردەیان تەنیوە و ناهێڵن هەتا 5 كیلۆمیتری كەس نزیكی ئەو شوێنە بێتەوە و چەند هیلۆكۆپتێرێكی حكوومەتیش بۆ گواستنەوەی كەرەسە دۆزراوەكان لەو شوێنە نیشتوونەتەوە\".

بەڕای كارناسانی مێژوویی و كەونینەناسی لەوانەیە شوێنی دۆزرانەوەی ئەو ئاسەوارانە شارێكی كۆن و مێژوویی بێت.
00:49 - 6 سەرماوەز 2724
٢٥ی نۆڤامبری ٢٠٢٤؛ ڕاپۆرتێک سەبارەت بە دەیان حاڵەتی توندوتیژیی حکوومەت، خۆکوژی و ژنکوژی لە کوردستان
17:05 - 5 سەرماوەز 2724
جێبەجێکرانی سزای لەسێدارەدانی مستەفا سووری لە بەندیخانەی کرماشان
11:15 - 5 سەرماوەز 2724
ڕاگواستنی فەرەیدوون سوڵتانی بۆ گرتنگەی ئیتلاعاتی ورمێ و درێژکردنەوەی بڕیاری دەسبەسەرکرانی بۆ ماوەی مانگێکی دیکە
11:10 - 5 سەرماوەز 2724
سنە؛ گرووپێک لە ژنان بە ئامادەبوون لەسەر مەزاری ژنانی کوژراو، توندوتیژیی سیستماتیکیان مەحکووم کرد و جەختیان لەسەر درێژەپێدانی خەبات کردەوە