سەرپێڵ‌زەهاو؛ هاووڵاتییەک لەلایەن هێزە ئەمنییەتییەکانەوە دەسبەسەر کرا
13:23 - 29 خەزەڵوەر 2721
هاووڵاتییەکی کورد بە ناوی "مەهدی پارسەنگ" کوڕی "حەیدەر"، تەمەن ٣٠ ساڵ و خەڵکی شاری سەرپێڵی‌زەهاو سەر بە پارێزگای کرماشان، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
بە وتەی سەرچاوەیەکی ئاگادار ئەو هاووڵاتییە کوردە سەرەتای مانگی خەزەڵووەر لەلایەن هێزە ئەمنییەتییەکانەوە دەسبەسەر و لەو ماوەیەدا لە "دەسپێڕاگەیشتن بە پارێزەر و چاوپێکەوتن لەگەڵ بنەماڵەکەی" بێبەری کراوە.
ئەو سەرچاوەیە هەروەها ئەوەشی خستەڕوو: "هەتا ئێستا بەدواداچوونی بنەماڵەی ئەو هاووڵاتییە کوردە بۆ ئاگاداربوون لە چارەنووسی کوڕەکەیان بێئاکام ماوەتەوە.
هەتا کاتی بڵاوبوونەوەی ئەم هەواڵە لە هۆکاری دەسبەسەرکردن و تۆمەتی وەپاڵدراو دژی ئەو هاووڵاتییە زانیارییەکی ئەوتۆ بەدەست نەهاتووە.
