سەردەشت/ ٣ خوێندکاری کورد دەستبەسەر کران
21:06 - 10 سەرماوەز 2715
ئاژانسی کوردپا: کچە خوێندکارێکی خەڵکی سەردەشت لەگەڵ دوو لاوی دیکەی خەڵکی ئەو شارە، لە لایەن هێزە لیباس شەخسییەکانی ئیتلاعاتەوە دەستبەسەر و بۆ شوێنێکی نادیار گوازرانەوە.
بەپێی ڕاپۆرتی گەیشتوو بە ئاژانسی هەواڵدەریی کوردپا، ڕۆژی دووشەممە ٩ی سەرماوەز، سروە عەبدی خوێندکاری ڕشتەی \"ماف\"ی زانکۆی پەیامی نووری پیرانشار هاوڕێ لەگەڵ براکەی بەناوی عەبدی و دەزگیرانەکەی بەناوی سامان ئیبراهیم پوور کە هەموویان خەڵکی سەردەشت بوون، لە لایەن هێزە لیباس شەخسییەکانەوە دەستبەسەر کراون.
بە وتەی سەرچاوەیەکی ئاگادار ، هێزە لیباس شەخسییەکان هێرشیان کردووەتە سەر خانووی ئەو ٣ هاووڵاتییە و وێڕای دەستبەسەر کردنیان، دەستیان بەسەر کەرەستەی تاکەکەسی، لەبتاب و کۆمپیۆتێری ئەواندا گرتووە.
ئەو سەرچاوەیە ڕایشی گەیاند کە؛ \"پێشتر و لە ساڵی ٩٣دا، سروە عەبدی لەگەڵ سامان ئیبراهیم پوور بە تۆمەتی \"چاپ و بڵاوکردنەوەی ئاڵای کوردستان\" دەستبەسەر و بە دانانی بارمتە ئازاد کرابوون.
سەرچاوەکە کە نەیویست ناوی ئاشکرا بێت، گوتیشی : \"بنەماڵەی عەبدی سەرەڕای سەردانی بەردەوام بەمەبەستی ئاگاداربوون لە چارەنووسی ڕۆڵەکانیان، هەتا ئێستا هیچ زانیارییەکیان دەست نەکەوتووە و ناوەندە ئەمنیەتییەکان وەڵامێکی ئەرێنییان پێ نەداونەتەوە\".
هەتا کاتی ئامادەکردنی ئەم هەواڵە، هیچ ڕاپۆرتێک لەسەر هۆکاری دەستبەسەرکران و تاوانی ئەو سێ هاووڵاتیە کوردە بڵاو نەکراوەتەوە.
بەپێی ڕاپۆرتی گەیشتوو بە ئاژانسی هەواڵدەریی کوردپا، ڕۆژی دووشەممە ٩ی سەرماوەز، سروە عەبدی خوێندکاری ڕشتەی \"ماف\"ی زانکۆی پەیامی نووری پیرانشار هاوڕێ لەگەڵ براکەی بەناوی عەبدی و دەزگیرانەکەی بەناوی سامان ئیبراهیم پوور کە هەموویان خەڵکی سەردەشت بوون، لە لایەن هێزە لیباس شەخسییەکانەوە دەستبەسەر کراون.
بە وتەی سەرچاوەیەکی ئاگادار ، هێزە لیباس شەخسییەکان هێرشیان کردووەتە سەر خانووی ئەو ٣ هاووڵاتییە و وێڕای دەستبەسەر کردنیان، دەستیان بەسەر کەرەستەی تاکەکەسی، لەبتاب و کۆمپیۆتێری ئەواندا گرتووە.
ئەو سەرچاوەیە ڕایشی گەیاند کە؛ \"پێشتر و لە ساڵی ٩٣دا، سروە عەبدی لەگەڵ سامان ئیبراهیم پوور بە تۆمەتی \"چاپ و بڵاوکردنەوەی ئاڵای کوردستان\" دەستبەسەر و بە دانانی بارمتە ئازاد کرابوون.
سەرچاوەکە کە نەیویست ناوی ئاشکرا بێت، گوتیشی : \"بنەماڵەی عەبدی سەرەڕای سەردانی بەردەوام بەمەبەستی ئاگاداربوون لە چارەنووسی ڕۆڵەکانیان، هەتا ئێستا هیچ زانیارییەکیان دەست نەکەوتووە و ناوەندە ئەمنیەتییەکان وەڵامێکی ئەرێنییان پێ نەداونەتەوە\".
هەتا کاتی ئامادەکردنی ئەم هەواڵە، هیچ ڕاپۆرتێک لەسەر هۆکاری دەستبەسەرکران و تاوانی ئەو سێ هاووڵاتیە کوردە بڵاو نەکراوەتەوە.
