سێ زیندانیی کورد لە زیندانی بۆکانەوە بۆ ورمێ و مەهاباد ڕاگوێزران
15:41 - 14 بەفرانبار 2718
ئاژانسی کوردپا: سێ زیندانیی کورد، لە زیندانی شاری بۆکانەوە بۆ لێپیچینەوە بۆ ورمێ و مەهاباد ڕاگوێزران.
بەپێی هەواڵی گەیشتوو بە ئاژانسی هەواڵدەریی کوردپا، حەوتووی ڕابردوو، دوو زیندانیی لە زیندانی شاری بۆکان به ناوەکانی \"جەماڵ یووسفی\"، خەڵکی گوندی \"موشیرئاوا\" و \"حوسێن ئیبراهیم‌حەمزه\"، کوڕی عەبدوڵڵا، خەڵکی گوندی \"قەرەگۆل\"، سەر بە شاری بۆکان، بۆ لێپێچینەوە بۆ گرتنگەی ئیدارەی ئیتلاعاتی ورمێ ڕاگوێزران.
ئەو دوو هاووڵاتییە کوردە، ساڵی ٩٥ بە تۆمەتی هاوکاریی و ئەندامەتیی یەکێک لە حیزبه کوردییەکانی ئۆپۆزسیۆنی حکوومەتی ئێران، لە لایەن هێزە ئیتلاعاتییەکانەوە دەسبەسەر کرا و لە ماوەی دەسبەسەریدا له بوونی پارێزەر بێبەری بوونه.
ئەو دوو هاووڵاتییە کوردە، دوای دوو ساڵ لە دەسبەسەریی، چارەنووسیان هێشتا ناڕوونه.
پێنج ڕۆژ پێشیش، \"سەلاح شەریفزاده\"، که ماوەی ٦ مانگ بوو، لە زیندانی بۆکاندا بوو، بۆ لێپێچینەوە بۆ دادسەرای مەهاباد ڕاگوێزرابوو و هەنووکەش لە زیندانی مەهاباددایه.
ئەو هاووڵاتییە کوردە، هاوینی ئەمساڵ، بە تۆمەتی \"هاوکاریی لەگەڵ یەکێک لە حیزبه کوردییەکانی ئۆپۆزسیۆنی حکوومەتی ئێران\" دەسبەسەر کراوه.
بەپێی هەواڵی گەیشتوو بە ئاژانسی هەواڵدەریی کوردپا، حەوتووی ڕابردوو، دوو زیندانیی لە زیندانی شاری بۆکان به ناوەکانی \"جەماڵ یووسفی\"، خەڵکی گوندی \"موشیرئاوا\" و \"حوسێن ئیبراهیم‌حەمزه\"، کوڕی عەبدوڵڵا، خەڵکی گوندی \"قەرەگۆل\"، سەر بە شاری بۆکان، بۆ لێپێچینەوە بۆ گرتنگەی ئیدارەی ئیتلاعاتی ورمێ ڕاگوێزران.
ئەو دوو هاووڵاتییە کوردە، ساڵی ٩٥ بە تۆمەتی هاوکاریی و ئەندامەتیی یەکێک لە حیزبه کوردییەکانی ئۆپۆزسیۆنی حکوومەتی ئێران، لە لایەن هێزە ئیتلاعاتییەکانەوە دەسبەسەر کرا و لە ماوەی دەسبەسەریدا له بوونی پارێزەر بێبەری بوونه.
ئەو دوو هاووڵاتییە کوردە، دوای دوو ساڵ لە دەسبەسەریی، چارەنووسیان هێشتا ناڕوونه.
پێنج ڕۆژ پێشیش، \"سەلاح شەریفزاده\"، که ماوەی ٦ مانگ بوو، لە زیندانی بۆکاندا بوو، بۆ لێپێچینەوە بۆ دادسەرای مەهاباد ڕاگوێزرابوو و هەنووکەش لە زیندانی مەهاباددایه.
ئەو هاووڵاتییە کوردە، هاوینی ئەمساڵ، بە تۆمەتی \"هاوکاریی لەگەڵ یەکێک لە حیزبه کوردییەکانی ئۆپۆزسیۆنی حکوومەتی ئێران\" دەسبەسەر کراوه.
