٦٠٠ سینماكار خوازیاری ئازاد كردنی \"كه‌یوان كه‌ریمی\"ـن

ئاژانسی کوردپا: به‌پێی هه‌واڵی ڕادیۆ فه‌ڕانسه‌، ژماره‌ی واژۆكه‌رانی نامه‌ی پاڵپشتیی له‌كه‌یوان كه‌ریمی فیلمسازی كوردی خه‌ڵكی ئێران كه‌شه‌ش ساڵ حوكمی زیندانی به‌سه‌ردا داسه‌پاوه‌، گه‌یشته‌٦٠٠ كه‌س.

له‌گه‌ڵ بڵاوبوونه‌وه‌ی هه‌واڵی مه‌حكوومكرانی ئه‌م سینماكاره‌گه‌نجه‌له‌مانگی دێسامبری ساڵی ڕابردوودا به‌سه‌دان كه‌س له‌سینماكارانی ئێرانی و فه‌ڕانسه‌یی نامه‌یه‌كیان واژۆ كردبوو كه‌ژماره‌ی واژۆكه‌رانی ئه‌و نامه‌یه‌تا ڕۆژی ٨ی ژانوییه‌ی ٢٠١٦ گه‌یشتووه‌ته‌شه‌شسه‌د كه‌س.

كه‌یوان كه‌ریمی له‌نادادگایه‌كدا به‌سه‌رۆكایه‌تی به‌ناو دادوه‌ر \"مه‌قیسه‌\" به‌تۆمه‌تی \"سووكایه‌تی كردن به‌پیرۆزییه‌كان\" شه‌ش ساڵ حوكمی زیندانی به‌سه‌ردا داسه‌پاوه‌.

واژۆكه‌رانی ئه‌م نامه‌یه‌سه‌رسووڕمانی خۆیان ده‌ربڕیوه‌له‌حوكمی زیندانی ئه‌م سینماكاره‌كورده‌ی خه‌ڵكی كوردستانی ڕۆژهه‌ڵات و هیوای ئه‌وه‌یان خواستووه‌كه‌ناوبراو له‌دادگایه‌كی پێداچوونه‌وه‌دا حوكمه‌كه‌ی هه‌ڵبوه‌شێته‌وه‌.

جه‌عفه‌ر په‌ناهی سینماكاری به‌ناوبانگی ئێرانی و چه‌ندین ده‌رهێنه‌ر و سێناریستی فه‌ڕه‌نسی ئه‌م نامه‌یان واژۆ كردووه‌.

هه‌واڵنێریی فه‌ڕانسه‌وه‌بیری دێنێته‌وه‌كه‌كه‌یوان كه‌ریمی له‌شارۆمه‌ندانی سوننه‌و كوردی خه‌ڵكی ڕۆژهه‌ڵاتی كوردستانه‌و دانیشتووی وڵاتی ئێرانه.

كه‌یوان كه‌ریمی سینماكاری گه‌نجی كورد، له‌شاری بانه‌ی سه‌ر به‌پارێزگای سنه‌ی ڕۆژهه‌ڵاتی كوردستان له‌دایك بووه‌.