سیمیناری كۆماری كوردستان لە شاری هەولێر پڕژایە سەر لایەنە شارەواكانی ئەو كۆمارە

كوردپا: لە دووەمین رۆژی یادی 66مین ساڵڕۆژی دامەزراندنی كۆماری كوردستان، چوار لێكۆلینەوەی تر لە هۆڵی رۆشنبیری زانستگای سەلاحەدین لە شاری هەولێر پێشكەش بە بەشدران كرا.

بەپێی هەواڵی ئاژانسی كوردپا: لە درێژەی رێورەسمی 66 مین ساڵیادی دامەزراندنی كۆماری كوردستان لە شاری هەولێر، كاتژمێر 3‌ی پاش نیوەرۆی رۆژی دووشەممە چەندین لێكۆلینەوەی تر لەبارەی لایەنە جیاواز و شاراوەكانی كۆماری كوردستان لەلایەن ژمارەیەك مامۆستای زانكۆوە پێشكەش كرا.

كۆڕ گێڕەكان بریتی بوون لە:
ـ حامید گەوهەری\"كۆماری كوردستان لە نێوان واقیع و راستی شارەوەكاندا\"
ـ سۆران كەرباسچیان \"كۆماری سەربەخۆی راستیەكان و گەڕانەوە بۆ راستییەكان\"
ـ سەلاحەدین مەجید پوور \"بنەما پێك هێنەرەكانی كۆماری كوردستان\"
ـ هۆزان سلێمان میر خان \" هەڵوێستی دەوڵەتە ناوچەییەكان لە كۆماری كوردستاندا\"
بەپێی هەواڵی هەواڵنێری ئاژانسی كوردپا لە هەولێر، كۆمەڵێك لە كەسایەتیی سیاسیی، فەرهەنگی و كۆمەڵایەتییەكانی كوردستانی عێراق و ئێران بەشداری ئەو سیمینارە بوون.

رێكەوتی 30 رێبەندان بە ئامادە بوونی سەرۆكی هەرێمی كوردستان و نوێنەرانی هەر چوار بەشی كوردستان و ژمارەیەك كەسایەتیی بەرچاوی فەرهەنگی و سیاسیی كورد و بیانی، 66 مین ساڵیادی دامەزراندنی كۆماری كوردستان لە شاری هەولێر بەڕێوە چوو.