سنە؛ بەیان عەزیزی چالاکی بواری ژنان دەسبەسەر کرا
11:51 - 8 رەزبەر 2722
ڕۆژی پێنجشەممە، ٧ی ڕەزبەر، بەیان عەزیزی، لێکۆڵەر و چالاکی بواری ژنان پاش بانگهێشت بۆ ئیدارەی ئیتلاعاتی سنە، دەسبەسەر کرا.
ئەم ژنە چالاکە ماوەی سالانێکە لە بیاڤی قەتڵە نامووسییەکان و توندوتیژییە خێزانییەکاندا چالاکی دەکات.
ناوبراو لە ساڵی ١٣٩٥، دەبیری خەڵاتی ئەدەبی هونەریی "کاڵ چرا" لە لایەن ناوەندی فەرهەنگی و هونەریی "کاڵ چرا شین"، لە سنە بوو.
بەیان عەزیزی تەمەنی ٤٣ ساڵە و خەڵکی بانەیە و لە شاری سنە نیشتەجێیە.
تاکوو ئێستا زانیارییەک سەبارەت بە هۆکاری بانگهێشت کران و دەسبەسەرکرانی ئەم ژنە چالاکە لە بەر دەستدا نییە.
