زیندانییەکی بۆکانی بۆ ڕزگاربوون لە پەتی سێدارە پێویستی بە یارمەتیی ماڵی هەیە

زیندانییەک بە ناوی "بێهرووز سۆهرابی" کوڕی "عەلی" خەڵکی بۆکان، بۆ ڕزگاربوون لە پەتی سێدارە، پێویستی بە یارمەتیی ماڵی هەیە.

بنەماڵەی کوژراوەکە ڕایانگەیاندووە کە لە ئەگەری دوەرگرتنی بڕی ١ میلیارد و ٣٠٠ ملیۆن تەمەن، لە "بێهرووز سۆهرابی" خۆش دەبن.

یەکێک لە نزیکانی ئەو زیندانییە بە ئاژانسی کوردپای ڕاگەیاند: "لە ئەگەری نەدانی ئەو بڕە پارەیە، حوکمی قیساسی ئەو زیندانییە جێبەجێ دەکرێت".

"بێهرووز سۆهرابی" ساڵی ٩٤، لە یەکێک لە گوندەکانی سەقز، لە شەڕ و دەمەقاڵەیەکدا بوو بەهۆی کوژرانی هاووڵاتییەک.

ئەو زیندانییە دواتر لەلایەن دەزگای دادوەرییەوە بە قیساس (ئێعدام) مەحکووم و هەنووکە لە زیندانی ڕەجایی شاری "کەرەجـ"ـدایە.