زیاتر لە یەك لەسەر چواری منداڵانی ئێرانی لە دەرەوەی سیستمی خوێندنن
16:43 - 30 بانەمەڕ 2712
كوردپا: چالاكێكی مافەكانی منداڵان لە ئێران لەو باوەڕە دایە، 5/2 میلیۆن منداڵی ئێران مەترسیی ئەوەیان لەسەرە كە تووشی دیاردەی بوون بە منداڵی سەرشەقام ببن.
فەرشید یەزدانی لە وتووێژێکدا لەگەڵ هەواڵدەریی ئیسنا رایگەیاندووە، بەپێی دوایین ئاماری سەرژمێریی ئێران كە ساڵی 1385 كراوە، 27%ی منداڵانی ئێرانی لە دەرەوەی سیستمی پەرەوەردەن و هەتا شەش ساڵ لەمەویپَش 5/3 میلیۆن منداڵی ئێرانی لە خوێندن بێبەش بوون و لەو ماوەیەشدا یەك میلیۆنی دیكە بەو ئامارە زیاد كراوە.
بە وتەی فەرشید یەزدانی چالاكی مافەكانی منداڵان، بێبەش بوونی یەك لەسەر چواری حەشیمەتی منداڵانی ئێران لە سیستمی خوێندن، دەبێتە هۆی مانەوەیان لە دەرەوەی چەرخەی وەبەرهێنانی وڵات و لە ئەنجامدا دەكەونە ناو بازنەی هەژاری و دەستەنگییەوە و كاریگەرییان لەسەر ئابووریی درێژخایەنی وڵات دەبێت.
فەرشی یەزدانی لەبارەی هۆكارەكانی نەبوونی بەرنامە و پلان بۆ منداڵان وتوویە: \"ئەو منداڵانە هیچ تریبوون و رۆڵێكی سیاسی، كۆمەڵایەتی و مافێكیان لە كۆمەڵگادا نیە و هەر بەم بۆنەشەوە لە بەرنامە و پلانی داهاتووی وڵاتدا پشت گوێ دەخرێن\".
5/2 میلیۆن منداڵ لە ئێران لەبەردەم هەڕەشەی بوون بە منداڵی سەرشەقام:
محەممەد تەقی سەبزەیی، كۆمەڵناس و ئەندامی لێژنەی زانستگای رازی رایگەیاندووە، لە ئێران 580 هەزار مندالی سەرشەقام هەیە و بەپێی ئامار و زانیارییەكانیش \"دوو نیو منداڵی دیكەش هەڕەشەی بوون بە منداڵی سەرشەقامیان لەسەرە\".
بە وتەی ئەو مامۆستایەی زانستگا، 95%ی منداڵانی سەرشەقام ئێرانین و باقیەكەشیان هاووڵاتییانی ئەفغانی، پاكستانی و وڵاتانی دیكەن.
محەممەد تەقی سەزەیی راشیگەیاندووە\"22% ئەو منداڵانە كەوتوونەتە بەر ئازار و ئەزیەتی بنەماڵە\" و وتیشی: لە وڵاتانی دیكە ئەو جۆرە منداڵانە لەژێر چاوەدێریی رێكخراو و دامەزراوە تایبەتییە ناحكوومییەكان دان و ئیكماناتی پێویستیان بۆ دابین دەكرێت.
لە ساڵانی رابردوودا هەواڵ و راپۆرتی جیاواز لەمەڕ زەخت و گوشار بۆ سەر ناوەند و رێكخراوەكانی داكۆكیكاری مافەكانی منداڵان لە ئێران بڵاو كراونەتەوە.
بۆ وێنە رەزبەری ساڵی 1388 ناوەندەكانی مافی مرۆڤ بڵاویان كردەوە كە نووسینگەی رێكخراوی ناحكوومیی \"كۆمەڵەی هەوڵدان بۆ جیهانێكی شیاوی منداڵان\" لە ئێران لەلایەن مەئموورانی پۆلیسەوە پۆلۆمپ كرا.
بەپێی توێژینەوەی كاراناسانی كۆمەڵایەتی و كۆمەڵناسان لە ئێران، بەشێكی زۆر لە منداڵانی سەرشەقام لە ئێران تووشی دیاردە باوەكانی كۆمەڵگای ئێران وەك: دزی، فەساد، سواڵكەری، مادە هۆشبەرەكان و هەروەها ئازاری جنسی دبن و ئەوانەش زەمینەیەكن بۆ بەلاڕێدا چوونی كۆمەڵگا و نەوەی ئەمڕۆ.
فەرشید یەزدانی لە وتووێژێکدا لەگەڵ هەواڵدەریی ئیسنا رایگەیاندووە، بەپێی دوایین ئاماری سەرژمێریی ئێران كە ساڵی 1385 كراوە، 27%ی منداڵانی ئێرانی لە دەرەوەی سیستمی پەرەوەردەن و هەتا شەش ساڵ لەمەویپَش 5/3 میلیۆن منداڵی ئێرانی لە خوێندن بێبەش بوون و لەو ماوەیەشدا یەك میلیۆنی دیكە بەو ئامارە زیاد كراوە.
بە وتەی فەرشید یەزدانی چالاكی مافەكانی منداڵان، بێبەش بوونی یەك لەسەر چواری حەشیمەتی منداڵانی ئێران لە سیستمی خوێندن، دەبێتە هۆی مانەوەیان لە دەرەوەی چەرخەی وەبەرهێنانی وڵات و لە ئەنجامدا دەكەونە ناو بازنەی هەژاری و دەستەنگییەوە و كاریگەرییان لەسەر ئابووریی درێژخایەنی وڵات دەبێت.
فەرشی یەزدانی لەبارەی هۆكارەكانی نەبوونی بەرنامە و پلان بۆ منداڵان وتوویە: \"ئەو منداڵانە هیچ تریبوون و رۆڵێكی سیاسی، كۆمەڵایەتی و مافێكیان لە كۆمەڵگادا نیە و هەر بەم بۆنەشەوە لە بەرنامە و پلانی داهاتووی وڵاتدا پشت گوێ دەخرێن\".
5/2 میلیۆن منداڵ لە ئێران لەبەردەم هەڕەشەی بوون بە منداڵی سەرشەقام:
محەممەد تەقی سەبزەیی، كۆمەڵناس و ئەندامی لێژنەی زانستگای رازی رایگەیاندووە، لە ئێران 580 هەزار مندالی سەرشەقام هەیە و بەپێی ئامار و زانیارییەكانیش \"دوو نیو منداڵی دیكەش هەڕەشەی بوون بە منداڵی سەرشەقامیان لەسەرە\".
بە وتەی ئەو مامۆستایەی زانستگا، 95%ی منداڵانی سەرشەقام ئێرانین و باقیەكەشیان هاووڵاتییانی ئەفغانی، پاكستانی و وڵاتانی دیكەن.
محەممەد تەقی سەزەیی راشیگەیاندووە\"22% ئەو منداڵانە كەوتوونەتە بەر ئازار و ئەزیەتی بنەماڵە\" و وتیشی: لە وڵاتانی دیكە ئەو جۆرە منداڵانە لەژێر چاوەدێریی رێكخراو و دامەزراوە تایبەتییە ناحكوومییەكان دان و ئیكماناتی پێویستیان بۆ دابین دەكرێت.
لە ساڵانی رابردوودا هەواڵ و راپۆرتی جیاواز لەمەڕ زەخت و گوشار بۆ سەر ناوەند و رێكخراوەكانی داكۆكیكاری مافەكانی منداڵان لە ئێران بڵاو كراونەتەوە.
بۆ وێنە رەزبەری ساڵی 1388 ناوەندەكانی مافی مرۆڤ بڵاویان كردەوە كە نووسینگەی رێكخراوی ناحكوومیی \"كۆمەڵەی هەوڵدان بۆ جیهانێكی شیاوی منداڵان\" لە ئێران لەلایەن مەئموورانی پۆلیسەوە پۆلۆمپ كرا.
بەپێی توێژینەوەی كاراناسانی كۆمەڵایەتی و كۆمەڵناسان لە ئێران، بەشێكی زۆر لە منداڵانی سەرشەقام لە ئێران تووشی دیاردە باوەكانی كۆمەڵگای ئێران وەك: دزی، فەساد، سواڵكەری، مادە هۆشبەرەكان و هەروەها ئازاری جنسی دبن و ئەوانەش زەمینەیەكن بۆ بەلاڕێدا چوونی كۆمەڵگا و نەوەی ئەمڕۆ.
