رێوڕەسمی ساڵیادی لەسێدارەدانی فەرزاد کەمانگەر لەزیندانی رەجایی شار
16:46 - 18 بانەمەڕ 2714
ئاژانسی کوردپا: رێوڕەسمی چوارەمین ساڵیادی لەسێدارەدانی فەرزاد کەمانگەر و هاوڕێیانی لەناو زیندانی رەجایی شاری کەرەج بەڕێوە چوو.
بەپێی راپۆرتی ئاژانسی هەواڵدەریی کوردپا، رۆژی چوارشەممە کۆمەڵێک لەزیندانیانی سیاسیی رەجایی شاری کەرەج بە بەڕێوەبردنی رێوڕەسمێک، یاد و ناوی کەمانگەرییان بەرز نرخاند.
ئەو رێوڕەسمە لە بەرەبەری چوارەمین ساڵڤەگەڕی لەسێدارەدانی فەرزاد کەمانگەر و چوار زیندانیی سیاسیی دیکە لە ١٩ی بانەمەڕی ٨٩دا، بەڕێوە چووە.
ماڵپەڕی رێکخراوی بەرگریی لەمافی مرۆڤی کوردستان بڵاوی کردۆتەوە، زیندانیانی سیاسیی گرتووخانەی رەجایی شاری کەرەج لەو رێوڕەسمەدا، بەیاننامەیەکیان بڵاو کردۆتەوە و تێیدا یاد و ناوی فەرزاد کەمانگەر و هاوڕێیانی بەرز نرخاندووە.
بەشدارانی رێوڕەسمەکە باسیان لەوەش کردووە، کە رۆژی \"هەینی\" بەبۆنەی ساڵڕۆژی لەسێدارەدانی فەرزاد کەمانگەر و هاوڕێیانیدا مان دەگرن.
فەرزاد کەمانگەر، چالاکی مافی مرۆڤ، رۆژنامەنووس و مامۆستای کورد سەر لەبەیانی رۆژی یەک شەممە رێکەوتی ١٩ی بانەمەڕی ١٣٨٩ هاوڕێ لەگەڵ عەلی حەیدەرییان، فەرهاد وەکیلی، شیرین عەلم هوولی و مێهدی ئیسلامیان لەزیندانی ئێڤین لەسێدارە دران.
فەرزاد لەلایەن دەزگا قەزاییەکانی حکوومەتی ئیسلامیی ئێرانەوە تاوانی ئەندامیەتی لەیەکێک لەحیزبە کوردییەکانی درابوویە پاڵ.
بەپێی راپۆرتی ئاژانسی هەواڵدەریی کوردپا، رۆژی چوارشەممە کۆمەڵێک لەزیندانیانی سیاسیی رەجایی شاری کەرەج بە بەڕێوەبردنی رێوڕەسمێک، یاد و ناوی کەمانگەرییان بەرز نرخاند.
ئەو رێوڕەسمە لە بەرەبەری چوارەمین ساڵڤەگەڕی لەسێدارەدانی فەرزاد کەمانگەر و چوار زیندانیی سیاسیی دیکە لە ١٩ی بانەمەڕی ٨٩دا، بەڕێوە چووە.
ماڵپەڕی رێکخراوی بەرگریی لەمافی مرۆڤی کوردستان بڵاوی کردۆتەوە، زیندانیانی سیاسیی گرتووخانەی رەجایی شاری کەرەج لەو رێوڕەسمەدا، بەیاننامەیەکیان بڵاو کردۆتەوە و تێیدا یاد و ناوی فەرزاد کەمانگەر و هاوڕێیانی بەرز نرخاندووە.
بەشدارانی رێوڕەسمەکە باسیان لەوەش کردووە، کە رۆژی \"هەینی\" بەبۆنەی ساڵڕۆژی لەسێدارەدانی فەرزاد کەمانگەر و هاوڕێیانیدا مان دەگرن.
فەرزاد کەمانگەر، چالاکی مافی مرۆڤ، رۆژنامەنووس و مامۆستای کورد سەر لەبەیانی رۆژی یەک شەممە رێکەوتی ١٩ی بانەمەڕی ١٣٨٩ هاوڕێ لەگەڵ عەلی حەیدەرییان، فەرهاد وەکیلی، شیرین عەلم هوولی و مێهدی ئیسلامیان لەزیندانی ئێڤین لەسێدارە دران.
فەرزاد لەلایەن دەزگا قەزاییەکانی حکوومەتی ئیسلامیی ئێرانەوە تاوانی ئەندامیەتی لەیەکێک لەحیزبە کوردییەکانی درابوویە پاڵ.
