رێكخراوی مافی مرۆڤی كورستان بۆ پشتیوانی لە ناڕەزایەتیی مەدەنیی خەڵكی بۆكان، بەیاننامەیەكی بڵاو كردەوە

15:48 - 3 بانەمەڕ 2712
کوردستان مافی مرۆڤ
كوردپا: رێكخراوی مافی مرۆڤی كوردستان لە بەیاننامەیەكدا داوای لە لێپرسراوانی قەزایی و ئینتزامی كرد كە ویست و داواكارییە مرۆیی و یاساییەكانی هاووڵاتییان ناڕازیی بۆكان لەبەرچاو بگرن.

دەقی بەیاننامەكە:
ویستی مرۆیی و یاسایی هاووڵاتییانی بۆكان لەبەرچاو بگیردرێت.
رووداوی دڵتەزین و هەژێنەری رفاندن و كوشتن و دەستدرێژی كردن بۆ سەر منداڵان و بەتایبەت كوژرانی سومەیە فەیزوڵڵاپوور ویژدان و ناخی هەر تاكێكی مرۆڤدۆست خەوشدار دەكات و كۆبوونەوەی ئیعترازیی خەڵكی شاری بۆكان دەرخەری هەستیاریی ئەم مەسەلەیە و هەروەها نیشانەی سەرنج راكێشانی بیروڕای گشتیی بۆ لای مافی ژیان و ئاسایشە و ئەم پرسە لە مادەی سێیەمی راگەیەندراوی جیهانیی مافی مرۆڤدا هاتووە.

رێكخراوی مافی مرۆڤی كوردستان وێڕای دەربڕینی هاودەردی و هاوخەمی لەگەڵ بنەماڵەی قوربانییانی ئەم رووداوە، داوا لە لێپرسراونی قەزایی و ئینتزامی دەكا هەتا ئەنجامدەرانی ئەم جینایەتە بۆ بیروڕای گشتی ئاشكرا بكەن و ویست و داوكارییە مرۆیی و یاساییەكانی هاووڵاتییانی بۆكان لەبەرچاو بگرن.

رێكخراوی مافی مرۆڤی كوردستان
3‌ی بانەمەڕی 1391‌ی هەتاوی
21:51 - 3 سەرماوەز 2724
نەوسوود؛ کۆڵبەرێک بە هۆی وەستانی دڵەوە گیانی لەدەست دا
21:44 - 3 سەرماوەز 2724
بەندیخانەی قوروە؛ ئازاد عەباسی، بەندکراوی سیاسی بە "کەرەستەی تیژ" و "ئاوەکوڵ" لە بەندیخانە هێرشی کرایە سەر
21:39 - 3 سەرماوەز 2724
فەرەیدوون سوڵتانی، هاووڵاتیی کوردی خەڵکی تیکاب لەلایەن هێزە ئەمنییەتییەکانەوە دەسبەسەر کرا
21:31 - 3 سەرماوەز 2724
سزای لەسێدارەدانی ئەمیرحوسێن ڕۆستەمی پاتاقی لە بەندیخانەی هەمەدان جێبەجێ کرا