"ریتون" وەک هێمای ئاسەوارە میژووییەکانی سەقز لە پارکی شار دانرا

ئاژانسی کوردپا: پەیکەری \"ریتون\" وەک هێمای ئاسەوارە مێژوویی و کەوناراییەکانی سەقز لەلایەن هونەرمەندێکی پەیکەرتاشی ئەو شارەوە لە پارکی شار دانرا.

بەپێی هەواڵی ناوەندی هەواڵنێریی سەقز، پەیکەری ریتون لەلایەن \"لوقمان کەریمی\" هونەرمەندی پەیەکەرتاشی ئەو شارەوە دروست کراوە و بەمەبەستی گرینگی دان بە ئاسەوارە مێژوویی و کەوناراییەکانی ئەو دەڤەرە لە پارکی مەولەوی شاری سەقز دانراوە.

هەتا ئێستا له ئاكامی هه‌ڵدانه‌وه‌ی قه‌ڵای مێژوویی \"زێویه‌\"ی سه‌قز کە بە شێوەی یاسایی و نایاسایی ئەنجام دراون، په‌یكه‌ره‌ی كۆمه‌ڵێكی به‌رچاو \"ریتون\" كه به \"گڵهسووره\" دروست كراون، دۆزرانەتەوە.

لە سەردەمی کۆندا \"ریتون\" بە شێوەی جۆراوجۆر و بەتایبەت لە رێوڕەسمە ئایینیەکاندا کەڵکی لێ وەرگیراوە.