رووداوێکی هاتووچۆ لەئیلام کوژران و برینداربوونی ٤ مامۆستای قوتابخانەی لێکەوتەوە
19:59 - 9 بەفرانبار 2713
ئاژانسی کوردپا: بەهۆی رووداوێکی هاتووچۆ لەنێوان جاددەی ئیلام بۆ شاری مێهران، ژنە مامۆستایەکی کورد و شۆفێری ئۆتۆمبیلەکە گیانیان لەدەست دا.
بەپێی هەواڵی ئاژانسی هەواڵدەریی کوردپا؛ سەر لەبەیانی ئەمڕۆ ماشێنی راگواستنی مامۆستایانی بەخشی \"ساڵح‌ئاوا\"ی شاری سنووریی مێهران، تووشی رووداوی هاتووچۆ بوو کە بەو هۆیەوە ٤ مامۆستا و شۆفیری ئۆتۆمبیلەکە کوژراو و بریندار بوون.
هەواڵنێری کوردپا وێڕای پشتڕاست کردنەوەی ئەو هەواڵە رایگەیاند، لەو رووداوەدا کەلە نێوان ئۆتۆمبیلێکی جۆری سەمەند و بارهەڵگرێکدا هاتۆتە ئاراوە، ژنە مامۆستایەکی زمانی ئینگلیزی بە ناوی \"تەیبە رەزایی\"، گیانی لەدەست داوە.
هەروەها لەو رووداوەدا، شۆفیری ماشێنی هێنان و بردنی ئەو مامۆستایانە دەستبەجێ گیانی لە دەست داوە کە هەتا ئێستا ناسنامەی بۆ کوردپا روون نەبۆتەوە.
سێ مامۆستای دیکە کە لەو ئۆتۆمبیلەدا بوون بریندار بوون و هەنووکە لە یەکێک لە ناوەندە دەرمانییەکانی شاری ئیلام لەژێر چاوەدێریی پزیشکی دان.
دەگوترێ \"هاتووچۆی لە رادەبەدەری زیارەتکەرانی ئێرانی و هەروەها هەناردە و هاوردە کردنی کەلووپەل و تەسک بوونی رێگا و بانەکان\" هۆکاری هاتنە ئارای ئەو رووداوە بووە.
لە ٩ مانگی رابردوودا ، سەرجەم ١١٩ هاووڵاتی بەهۆی رووداوی هاتووچۆوە لە ئوستانی ئیلام گیانیان لە دەست داوە کەلە کۆی ئەو رێژەیە ٣١ کەسیان ژن بوون.
بەپێی هەواڵی ئاژانسی هەواڵدەریی کوردپا؛ سەر لەبەیانی ئەمڕۆ ماشێنی راگواستنی مامۆستایانی بەخشی \"ساڵح‌ئاوا\"ی شاری سنووریی مێهران، تووشی رووداوی هاتووچۆ بوو کە بەو هۆیەوە ٤ مامۆستا و شۆفیری ئۆتۆمبیلەکە کوژراو و بریندار بوون.
هەواڵنێری کوردپا وێڕای پشتڕاست کردنەوەی ئەو هەواڵە رایگەیاند، لەو رووداوەدا کەلە نێوان ئۆتۆمبیلێکی جۆری سەمەند و بارهەڵگرێکدا هاتۆتە ئاراوە، ژنە مامۆستایەکی زمانی ئینگلیزی بە ناوی \"تەیبە رەزایی\"، گیانی لەدەست داوە.
هەروەها لەو رووداوەدا، شۆفیری ماشێنی هێنان و بردنی ئەو مامۆستایانە دەستبەجێ گیانی لە دەست داوە کە هەتا ئێستا ناسنامەی بۆ کوردپا روون نەبۆتەوە.
سێ مامۆستای دیکە کە لەو ئۆتۆمبیلەدا بوون بریندار بوون و هەنووکە لە یەکێک لە ناوەندە دەرمانییەکانی شاری ئیلام لەژێر چاوەدێریی پزیشکی دان.
دەگوترێ \"هاتووچۆی لە رادەبەدەری زیارەتکەرانی ئێرانی و هەروەها هەناردە و هاوردە کردنی کەلووپەل و تەسک بوونی رێگا و بانەکان\" هۆکاری هاتنە ئارای ئەو رووداوە بووە.
لە ٩ مانگی رابردوودا ، سەرجەم ١١٩ هاووڵاتی بەهۆی رووداوی هاتووچۆوە لە ئوستانی ئیلام گیانیان لە دەست داوە کەلە کۆی ئەو رێژەیە ٣١ کەسیان ژن بوون.
