دیاردەی تەڵاق لە کوردستان رووی لە زیادبوون کردووە
20:01 - 29 سەرماوەز 2712
ئاژانسی کوردپا: دیاردەی تەڵاق لە پارێزگای کوردستان لە ماوەی ئەمساڵدا بە بەراورد لەگەڵ ساڵی رابردوو ٦% زیادبوونی بە خۆیەوە بینیوە.
هەواڵدەریی فارس لەزاری \"عەبدوڵڵا خەسرەوزادە\" بەرپرسی ئیدارەی تۆمار کردنی باری کەسێتیی پارێزگای کوردستان\"ەوە بڵاوی کردەوە، لە ماوەی ٨ مانگی ساڵی پێشوودا ٢ هەزار و ٦ حاڵەتی تەلاق دان لە پارێزگای کوردستان تۆمار کراوە کە ئەو رێژەیە بە بەراورد لەگەڵ ماوەی هاوشێوەی ئەمسال بۆ ٢ هەزار و ١٩٧ حاڵەت زیادی کردووە.
ئەو بەرپرسە راشیگەیاند: رێژەی هاوسەرگیری لە پارێزگای کوردستان ٨% دابەزیوە و ئاماژەی بەوەش دا، لە سەرەتای ئەمساڵەوە هەتا کۆتایی مانگی خەزەڵوەر ١٢ هەزار ٦٣٤ حاڵەتی هاوسەرگیری تۆمار کراوە لە کاتێکدا ئەو رێژەیە لە ماوەی هاوشێوەی ساڵی رابردوودا ١٣ هەزار و ٧٥٧ حاڵەت بووە.
عەبدوڵڵا خەسرەوزادە لە درێژەی قسەکانیدا باسی لەوەش کرد، رێژەی لەدایک بوونی منداڵان لە ماوەی ئەو ٨ مانگەی ئەمساڵدا بە بەراورد لەگەڵ ماوەی هاوشێوەی ساڵی رابردوو ٣.١% زیادی کردووە کە بە شێوەی نێونجی لە هەر شەو و رۆژێکدا ٧٥ منداڵ لە پارێزگای کوردستان لەدایک دەبن.
ناوبراو رایگەیاند: بەداخەوە خەڵکێکی زۆر خوازیاری گۆڕینی ناوی منداڵەکانیانن، هۆی ئەوەشی گەڕاندەوە بۆ ناشارەزایی هاووڵاتیان بۆ کاتی دیاری کردنی ناوی منداڵەکانیان و ئەوەشی خستەڕوو لە سەرەتای ئەمساڵەوە هەتا ئێستا لە ٤١٥ حاڵەت خوازیاری گۆڕینی ناوی منداڵەکانیان بوون لە کۆی ئەو رێژەیە ٢١٧ حاڵەت رازامەندیی ئێمەی لەسەر بووە.
هەواڵدەریی فارس لەزاری \"عەبدوڵڵا خەسرەوزادە\" بەرپرسی ئیدارەی تۆمار کردنی باری کەسێتیی پارێزگای کوردستان\"ەوە بڵاوی کردەوە، لە ماوەی ٨ مانگی ساڵی پێشوودا ٢ هەزار و ٦ حاڵەتی تەلاق دان لە پارێزگای کوردستان تۆمار کراوە کە ئەو رێژەیە بە بەراورد لەگەڵ ماوەی هاوشێوەی ئەمسال بۆ ٢ هەزار و ١٩٧ حاڵەت زیادی کردووە.
ئەو بەرپرسە راشیگەیاند: رێژەی هاوسەرگیری لە پارێزگای کوردستان ٨% دابەزیوە و ئاماژەی بەوەش دا، لە سەرەتای ئەمساڵەوە هەتا کۆتایی مانگی خەزەڵوەر ١٢ هەزار ٦٣٤ حاڵەتی هاوسەرگیری تۆمار کراوە لە کاتێکدا ئەو رێژەیە لە ماوەی هاوشێوەی ساڵی رابردوودا ١٣ هەزار و ٧٥٧ حاڵەت بووە.
عەبدوڵڵا خەسرەوزادە لە درێژەی قسەکانیدا باسی لەوەش کرد، رێژەی لەدایک بوونی منداڵان لە ماوەی ئەو ٨ مانگەی ئەمساڵدا بە بەراورد لەگەڵ ماوەی هاوشێوەی ساڵی رابردوو ٣.١% زیادی کردووە کە بە شێوەی نێونجی لە هەر شەو و رۆژێکدا ٧٥ منداڵ لە پارێزگای کوردستان لەدایک دەبن.
ناوبراو رایگەیاند: بەداخەوە خەڵکێکی زۆر خوازیاری گۆڕینی ناوی منداڵەکانیانن، هۆی ئەوەشی گەڕاندەوە بۆ ناشارەزایی هاووڵاتیان بۆ کاتی دیاری کردنی ناوی منداڵەکانیان و ئەوەشی خستەڕوو لە سەرەتای ئەمساڵەوە هەتا ئێستا لە ٤١٥ حاڵەت خوازیاری گۆڕینی ناوی منداڵەکانیان بوون لە کۆی ئەو رێژەیە ٢١٧ حاڵەت رازامەندیی ئێمەی لەسەر بووە.
