دووەم رۆژی كۆنفرانسی نەتەوەیی لاوان لە هەولێر، بە بەرز راگرتنی یادی هەڵەبجە درێژەی كێشا
12:47 - 27 رەشەمه 2711
كوردپا: دووەمین كۆنفرانسی نەتەوەیی لاوانی بەشەكانی كوردستان كە رۆژی پێنجشەممە لە شاری هەولێر دەستی پێكرد، دوێنێ هەینی رێكەوتی 26ی رەشەمە درێژەی بە كارەكانی كۆنفرانسدا و چەندین بابەت پێشكەش كران.
بەپێی راپۆرتی ئاژانسی هەواڵدەریی كوردپا، كارەكانی دووەم رۆژی كۆنفرانس كاتژمێر 10ی سەرلە بەیانیی دەستی پێكرد كە سەرەتا كۆڕێك بۆ دوكتور نەجدەت ئاكرەیی لێكۆڵەر و مامۆستای زانستگا، لەژێر ناوی \"هوشیاریی نەتەوەیی\" رێكخرا.
دوكتور نەجدەت لە باسەكەیدا ئاژماژەی بەوە داوە: \"ئێمەی كورد هەموومان یەك چارەنووسمان هەیە و دەبێ سیاسەتی نەتەوەییمان بە یەك ئاقاردا بڕوات، چونكە كێشەی كورد كێشەیەكی سیاسیە و دژمنان زۆریان هەوڵ داوە لەناومان بەرن\".
دوكتور نەجدەت جەختی لەسەر ئەوەش كردۆتەوە: \"ئەوەی كە لە گشت گرینگترە و خاڵی بەرچاوە، ئەوەیە هەموو شۆڕشەكان لەسەر دەستی لاوان بووە\".
هەواڵنێری ئاژانسی هەواڵدەریی كوردپا لە درێژەی راپۆرتەكەیدا ئاشكرای كرد، كاتژمێر 11 بۆ رێزلێنان لە بیست و چوارەمین ساڵیادی شیمیایی بارانی هەڵەبجە، بەشدارانی کۆنفرانس بۆ ماوەی پێنج خولەك ساڵۆنی كۆنفرانسیان بەجێ هێشت و بە بێدەنگی وەستان و دواتر بە سروودی نەتەوەیی ئەی رەقیب بێدەنگیەكەیان شكاند.
دوو بابەت لەژێر \"ناوی ئاسایشی نەتەویی و شۆڕشی كوردستانی سووریە\" لەلایەن نوێنەرانی بەشداری كۆنفرانسەوە خوێندرانەوە و بڕگەی كۆتایی دووەمین رۆژی كۆنفرانسی نەتەوەیی لاوان بە باس كردن لەسەر چۆنیەتیی كار كردن و ئامانج و راسپاردەكانی كۆتایی کۆنفرانس كۆتایی پێهات.
دوومین كۆنفرانسی نەتەوەیی لاوانی بەشەكانی كوردستان ئەمڕۆ شەممە رێكەوتی 27ی رێبەندانیش درێژەی دەبیت و بڕیارە لە كۆتاییدا 15 خاڵ وەك راسپاردەی ئەنجامەكانی كۆنفرانس پەسند بكرێن.
كۆنفرانسی نەتەوەیی لاوانی بەشەكانی كوردستان هەر ساڵە لە بەشێكی كوردستان بەڕێوە دەچێت و کۆنفرانسی یەكەم ساڵی 1389 لە شاری ئامەد لە كوردستانی توركیە بەڕێوە چوو.
بەپێی راپۆرتی ئاژانسی هەواڵدەریی كوردپا، كارەكانی دووەم رۆژی كۆنفرانس كاتژمێر 10ی سەرلە بەیانیی دەستی پێكرد كە سەرەتا كۆڕێك بۆ دوكتور نەجدەت ئاكرەیی لێكۆڵەر و مامۆستای زانستگا، لەژێر ناوی \"هوشیاریی نەتەوەیی\" رێكخرا.
دوكتور نەجدەت لە باسەكەیدا ئاژماژەی بەوە داوە: \"ئێمەی كورد هەموومان یەك چارەنووسمان هەیە و دەبێ سیاسەتی نەتەوەییمان بە یەك ئاقاردا بڕوات، چونكە كێشەی كورد كێشەیەكی سیاسیە و دژمنان زۆریان هەوڵ داوە لەناومان بەرن\".
دوكتور نەجدەت جەختی لەسەر ئەوەش كردۆتەوە: \"ئەوەی كە لە گشت گرینگترە و خاڵی بەرچاوە، ئەوەیە هەموو شۆڕشەكان لەسەر دەستی لاوان بووە\".
هەواڵنێری ئاژانسی هەواڵدەریی كوردپا لە درێژەی راپۆرتەكەیدا ئاشكرای كرد، كاتژمێر 11 بۆ رێزلێنان لە بیست و چوارەمین ساڵیادی شیمیایی بارانی هەڵەبجە، بەشدارانی کۆنفرانس بۆ ماوەی پێنج خولەك ساڵۆنی كۆنفرانسیان بەجێ هێشت و بە بێدەنگی وەستان و دواتر بە سروودی نەتەوەیی ئەی رەقیب بێدەنگیەكەیان شكاند.
دوو بابەت لەژێر \"ناوی ئاسایشی نەتەویی و شۆڕشی كوردستانی سووریە\" لەلایەن نوێنەرانی بەشداری كۆنفرانسەوە خوێندرانەوە و بڕگەی كۆتایی دووەمین رۆژی كۆنفرانسی نەتەوەیی لاوان بە باس كردن لەسەر چۆنیەتیی كار كردن و ئامانج و راسپاردەكانی كۆتایی کۆنفرانس كۆتایی پێهات.
دوومین كۆنفرانسی نەتەوەیی لاوانی بەشەكانی كوردستان ئەمڕۆ شەممە رێكەوتی 27ی رێبەندانیش درێژەی دەبیت و بڕیارە لە كۆتاییدا 15 خاڵ وەك راسپاردەی ئەنجامەكانی كۆنفرانس پەسند بكرێن.
كۆنفرانسی نەتەوەیی لاوانی بەشەكانی كوردستان هەر ساڵە لە بەشێكی كوردستان بەڕێوە دەچێت و کۆنفرانسی یەكەم ساڵی 1389 لە شاری ئامەد لە كوردستانی توركیە بەڕێوە چوو.
