دوو ئەندامی ئەنجومەنی سێنفیی مامۆستایان کوردستان - سەقز و زیویە بە دانانی بارمتە لە زیندان ئازاد کران

13:49 - 5 پووشپەڕ 2722
کوردستان هەواڵ مافی مرۆڤ نوێترین هەواڵ هەڵبژاردە

ئەمڕۆ یەکشەممە ڕێکەوتی ٥ی پووشپەڕ، "حیسام خاکپوور" و "ئەحمەد قادری" لە ئەندامانی ئەنجومەنی سێنفیی مامۆستایان کوردستان - سەقز و زیویە بە دانانی بارمتە لە زیندان ئازاد کران.

ئەو دوو چالاکە سێنفییەی مامۆستایان بە دانانی بارمتە هەتا کاتی دادگاییەکەیان لە زیندانی سەقز ئازاد کراون.

"ئەحمەد قادری" ڕۆژی چوارشەممە ڕێکەوتی ٢٥ی جۆزەردان و "حیسام خاکپوور" ئێوارەی ڕۆژی پێنجشەممە ڕێکەوتی ٢٦ی جۆزەردان لەلایەن هێزە ئەمنییەتییەکانەوە دەسبەسەر کرابوون و دوای تەواوبوونی قۆناخی لێپرسینەوەکەیان بۆ زیندانی سەقز ڕاگوێزرابوون.

هەروەها ڕۆژی شەممە ڕێکەوتی ٤ی پووشپەڕ، "ئامانج ئەمینی"، "زاهید مورادی"، "ئیسماعیل ڕەیحانی" و "سلێمان عەبدی" لە ئەندامانی ئەنجومەنی سێنفیی مامۆستایان کوردستان- سەقز بە دانانی بارمتە لە زیندانی سەقز ئازاد کران.

10:49 - 30 خاکەلێوه 2724
سزای لەسێدارەدانی بەندکراوێکی خەڵكی کەنگاوەر لە بەندیخانەی ناوەندیی ورمێ جێبەجێ کرا
10:38 - 30 خاکەلێوه 2724
کۆڵبەرێک بە تەقەی هێزە نیزامییەکانی حکوومەت لە سنووری "تەتە"ی هەورامان کوژرا
16:28 - 29 خاکەلێوه 2724
کەماڵ لوتفی، باوکی ڕەزا لوتفی لە گیانلەدەستداوانی بزووتنەوەی ژن، ژیان، ئازادی لە دێولان بە ٥ ساڵ بەندکران سزا درا
11:51 - 29 خاکەلێوه 2724
تاران؛ خەدیجە مێهدی‌پوور، بەندکراوی سیاسیی پێشوو بە هۆی ڕەچاونەکردنی حیجابی زۆرەملێ لەلایەن گەشتی ئێرشادەوە دەسبەسەر کرا