دوو کۆڵبەری کورد لە سنووری قوتوور له شاری خۆی بریندار کران
17:39 - 10 رێبەندان 2719
ڕۆژی یەکشەممە ٦ی ڕێبەندان، دوو کۆڵبەری کورد بە ناوەکانی "عەلی هادی‌زادە" تەمەن ٢٢ ساڵ و کوڕی بەشار هەروەها "حوسێن هادی‌زادە" تەمەن ٢٩ ساڵ کوڕی جەمیل، لە لایەن هێزەکانی ئەرتەشی تورکییەوە، تەقەیان لێکراوە و بە سەختی پێکراون.
ئەو دوو کۆڵبەرە کوردە، خەڵکی گوندی "گیوەرانی" ناوچەی قوتووری خۆی بوون.
حوسێن لەو ڕووداوەدا، سەری بەر گوللـەی هێزەکانی ئەرتەشی تورکییە کەوتووە و عەلی دوو گولـلەی بەر پشتی کەوتووە.
ئەو دوو کۆڵبەرە کوردە، هەنووکە لە نەخۆشخانەی شاری وانی تورکیە دان و باری تەندروستیان نالەبار ڕاگەیاندراوە.
