دوو به‌ندكراوی به‌ندیخانه‌ی ورمێ به‌هۆی په‌تای ئه‌نفوڵانزاوه‌گیانیان له‌ده‌ست دا

كوردپا: له‌گرتووخانه‌ی ناوه‌ندیی شاری ورمێ، به‌هۆی بڵاوبوونه‌وه‌ی په‌تای ئه‌نفوڵانزاوه دوو به‌ندكراو‌گیانیان له‌ده‌ست دا.

به‌پێی ئه‌و هه‌واڵانه‌ی كه‌بڵاو بوونه‌ته‌وه‌، په‌تای ئه‌نفوڵانزا له‌گرتووخانه‌ی ناوه‌ندیی شاری ورمێ بڵاو بۆته‌وه‌و له‌ئه‌نجامدا دوو به‌ندكراو گیانیان له‌ده‌ست داوه‌. ئه‌م هه‌واڵه‌ش له ‌لایه‌ن به‌رپرسانی گرتووخانه‌كه‌و ناوه‌ندی هه‌واڵی چالاكانی مافی مرۆڤی ئێرانه‌وه‌پشتڕاست كراوه‌ته‌وه‌.

ئه‌وه‌له‌كاتێكدایه‌كه‌به‌ندكراوانی گرتووخانه‌ی ورمێ ڕایانگه‌یاندووه‌كه‌، ڕێژه‌یه‌كی یه‌كجار زۆر به‌ندكراو له‌و گرتووخانه‌یه‌ڕاگیراون و له‌به‌رانبه‌ردا، ئیمكاناتی پزیشكی و بێهداری له‌نزمترین ئاستی خۆیدان و وه‌ڵامده‌ر نین.

هاوكات له‌گرتووخانه‌ی زاهیدانیش په‌تای ئه‌نفوڵانزا بڵاو بۆته‌وه‌و به‌و هۆیه‌وه‌چه‌ند به‌ندكراوی ئه‏و گرتووخانه‌یه‌گیانیان له‌ده‌ست داوه‌.

په‌تای ئه‌نفوڵانزای به‌راز ماوه‌ی چه‌ند مانگێكه‌له‌ئێران بڵاو بۆته‌وه‌و به‌و هۆیه‌وه‌تا ئێستا چه‌ندین هاووڵاتی گیانیان له‌ده‌ست داوه‌. هاوكات كاربه‌ده‌ستانی كۆماری ئیسلامیش به‌رده‌وام ڕایده‌گه‌یەنن كه‌له‌ماوه‌یكی كه‌م‏دا په‌تای ئه‌نفوڵانزای به‌راز كۆنتڕؤڵ ده‌كه‌ین.