دوایین زانیاریی لەسەر قوربانیانی هێرشی داعش بۆ کۆبانی و دۆخی شارەکە
17:02 - 7 پووشپەڕ 2715
ئاژانسی کوردپا: شاری کۆبانی پاش ئەوەی دوو مانگ لەمەوبەر لەچەکدارانی داعش پاک کرایەوە، جارێکی دیکە لەلایەن چەکدارانی \"دەوڵەتی ئیسلامیی\"یەوە هێرشی کرایە سەر و لەئەنجامی ئەو هێرشەدا زیاتر لە ٢٠٠ هاووڵاتیی گیانیان لەدەست داوە.
بەپێی راپۆرتی ئاژانسی هەواڵدەریی کوردپا، رۆژی پێنجشەممە رێکەوتی ٤ی پووشپەڕ(٢٥ی ژوئن) نزیک بە ١٠٠ چەکداری داعش بە جلی مەدەنی و سوپای ئازادەوە دزەیان کردبوویە ناو شاری کۆبانی و هاوکات لە چەندین خاڵی گرینگ و قەرەباڵغی شارەکە تەقینەوەیان ئەنجام داوە.
تەقینەوەکان لەخاڵی سنووری مورشیدپینار، گەڕەکی کانی کوردان، نەخۆشخانەی پزیشکانی بێ سنوور، گەڕەکی بۆتان و مزگەوتی حاجی رەشید ئەنجام دراون.
چەکدارانى داعش لەناو شارى کۆبانی و گوندى بەرخا بۆتان، شەش ئۆتۆمبێلى بۆمبڕێژکراویان تەقاندبوویەوە و دوابەدواى ئەوەش سێ کردەوەى خۆکوژییان ئەنجام دابوو.
هێزەکانی پاراستنی گەل (یەپەگە) لەراگەیەندراوێکدا بڵاوی کردبوویەوە، تەنیا لەئەنجامی تەقینەوەکاندا زیاتر لە ١٢٠ هاووڵاتیی گیانیان لەدەست داوە و ٢٥٠ کەسی دیکەش بریندار بوون.
چەکدارانی داعش پاش ئەنجامدانی تەقینەوەکان، لەباشووری شاری کۆبانی بە چەکی قەناس و نیوە قورسەوە ھێرشیان کردووه‌تە سەر گوندەکانی بەرخبۆتان و زیرک و گرێ سیڤێ و گیانی زیاتر لە ٥٠ هاووڵاتیان ئەستاندووە و ١٣٠ی دیکەشیان بریندار کردووە.
بە پێی ئەو زانیاریانەی کەلەلایەن یەپەگەوە بڵاو کراونەتەوە، هێزە کوردییەکان توانیویانە لە ماوەی سێ رۆژدا بە تەواوەتی شاری کۆبانی لە دەستی داعش دەربهێنەوە و لە شەڕ و تێکهەڵچوونەکاندا ٨٠ چەکداری داعش کوژران.
لەراگەیەندراوەکەی یەپەگەدا ئەوەش خراوەتەڕوو کە \" شەش هێزی سەر بە یەپەگە شەهید کراون\".
کۆبانی مانگی دێسامبری ٢٠١٤وەکوو کانتۆن راگەیەندرا و ژوئنی هەمان ساڵیش هێرشى چەکدارەکانى داعش بۆ کۆنترۆڵکردنى کانتۆنى کۆبانی دەستیپێکرد کە پاش ١٣٤٠ ڕۆژ بەرەنگارى و خۆراگری هێزەکانی سەر بە کوردستانی سووریە و هێزی پێشمەرگەی هەرێمی کوردستان، داعش لەکۆبانی وەدرنرا.
بە پێی لێدوان و زانیاریی فەرماندە سەربازییەکانی یەپەگە و خەڵکی مەدەنی، لەحاڵی حازردا شاری کۆبانی لە کۆنترۆڵی هێزە کوردییەکان دایە و تەنیا لە چەند گوندێکى باشوورى کۆبانی شەڕ لە نێوان هێزەکانى یەپەگە و چەکدارەکانى داعشدا هەیە.
لەلایەکی دیکەوە شاهین شێخ عەلی، بەرپرسی مانگی سووری کۆبانی بە میدیاکانی راگەیاندووە چەکدارانی داعش توانیویانە ٥٠ هاووڵاتیی کۆبانی و ئاواییەکانی دەورووبەریی بە دیل بگرن و لەگەڵ خۆیان بیانبەن.
هەواڵی ئەو بە دیل گرتنە هەتا ئێستا لەلایەن ناوەندە سەربازییەکانی یەپەگەوە پشتراست نەکراونەتەوە.
بەپێی راپۆرتی ئاژانسی هەواڵدەریی کوردپا، رۆژی پێنجشەممە رێکەوتی ٤ی پووشپەڕ(٢٥ی ژوئن) نزیک بە ١٠٠ چەکداری داعش بە جلی مەدەنی و سوپای ئازادەوە دزەیان کردبوویە ناو شاری کۆبانی و هاوکات لە چەندین خاڵی گرینگ و قەرەباڵغی شارەکە تەقینەوەیان ئەنجام داوە.
تەقینەوەکان لەخاڵی سنووری مورشیدپینار، گەڕەکی کانی کوردان، نەخۆشخانەی پزیشکانی بێ سنوور، گەڕەکی بۆتان و مزگەوتی حاجی رەشید ئەنجام دراون.
چەکدارانى داعش لەناو شارى کۆبانی و گوندى بەرخا بۆتان، شەش ئۆتۆمبێلى بۆمبڕێژکراویان تەقاندبوویەوە و دوابەدواى ئەوەش سێ کردەوەى خۆکوژییان ئەنجام دابوو.
هێزەکانی پاراستنی گەل (یەپەگە) لەراگەیەندراوێکدا بڵاوی کردبوویەوە، تەنیا لەئەنجامی تەقینەوەکاندا زیاتر لە ١٢٠ هاووڵاتیی گیانیان لەدەست داوە و ٢٥٠ کەسی دیکەش بریندار بوون.
چەکدارانی داعش پاش ئەنجامدانی تەقینەوەکان، لەباشووری شاری کۆبانی بە چەکی قەناس و نیوە قورسەوە ھێرشیان کردووه‌تە سەر گوندەکانی بەرخبۆتان و زیرک و گرێ سیڤێ و گیانی زیاتر لە ٥٠ هاووڵاتیان ئەستاندووە و ١٣٠ی دیکەشیان بریندار کردووە.
بە پێی ئەو زانیاریانەی کەلەلایەن یەپەگەوە بڵاو کراونەتەوە، هێزە کوردییەکان توانیویانە لە ماوەی سێ رۆژدا بە تەواوەتی شاری کۆبانی لە دەستی داعش دەربهێنەوە و لە شەڕ و تێکهەڵچوونەکاندا ٨٠ چەکداری داعش کوژران.
لەراگەیەندراوەکەی یەپەگەدا ئەوەش خراوەتەڕوو کە \" شەش هێزی سەر بە یەپەگە شەهید کراون\".
کۆبانی مانگی دێسامبری ٢٠١٤وەکوو کانتۆن راگەیەندرا و ژوئنی هەمان ساڵیش هێرشى چەکدارەکانى داعش بۆ کۆنترۆڵکردنى کانتۆنى کۆبانی دەستیپێکرد کە پاش ١٣٤٠ ڕۆژ بەرەنگارى و خۆراگری هێزەکانی سەر بە کوردستانی سووریە و هێزی پێشمەرگەی هەرێمی کوردستان، داعش لەکۆبانی وەدرنرا.
بە پێی لێدوان و زانیاریی فەرماندە سەربازییەکانی یەپەگە و خەڵکی مەدەنی، لەحاڵی حازردا شاری کۆبانی لە کۆنترۆڵی هێزە کوردییەکان دایە و تەنیا لە چەند گوندێکى باشوورى کۆبانی شەڕ لە نێوان هێزەکانى یەپەگە و چەکدارەکانى داعشدا هەیە.
لەلایەکی دیکەوە شاهین شێخ عەلی، بەرپرسی مانگی سووری کۆبانی بە میدیاکانی راگەیاندووە چەکدارانی داعش توانیویانە ٥٠ هاووڵاتیی کۆبانی و ئاواییەکانی دەورووبەریی بە دیل بگرن و لەگەڵ خۆیان بیانبەن.
هەواڵی ئەو بە دیل گرتنە هەتا ئێستا لەلایەن ناوەندە سەربازییەکانی یەپەگەوە پشتراست نەکراونەتەوە.
