دوای هەڵبژاردنەکان ٥ هاووڵاتی لە شنۆ دەستبەسەر کران
21:42 - 17 رەشەمه 2715
ئاژانسی کوردپا: ئیدارەی ئیتلاعاتی شاری شنۆ دوای هەڵبژاردنی ٧ی ڕەشەمە، لانیکەم ٨ هاووڵاتیی لەو شارە دەستبەسەر کرد.
بەپێی هەواڵی گەیشتوو بە ئاژانسی هەواڵدەریی کوردپا، دوای چوار ڕۆژ لە هەڵبژاردنەکانی ئێران، ٥ هاووڵاتی لە شاری شنۆ دەستبەسەر کراون و چارەنووسیان هەتا ئێستا بە ناڕوونی ماوەتەوە.
ڕاپۆڕتە باوەڕپێکراوەکانی هەواڵنێری کوردپا لەو شارە، باس لە دەستبەسەر کردن و گواستنەوەی ئەو هاووڵاتییانە بۆ شوێنێکی نادیار دەکات لە لایەن هێزە ئیتلاعاتییەکانەوە.
هەواڵنێری کوردپا وێڕای پشتڕاست کردنەوەی شوناسی ئەو ٥ کەسە ئەوەشی خستەڕوو کە؛ دەستبەسەر کراوەکان ٨ کەسن، بەڵام شوناسی سێ کەسیان هەتا ئێستا ڕوون نەبووەتەە.
شوناسی ئەو پێنج هاووڵاتییە دەستبەسەر کراوە بە ناوەکانی \"وەلی شەریفی\"، \"ڕەزا عێزەت تاج\"، \"محەممەد ڕوویان\"، \"فاروق شەفاهی\" و سابیر ڕەسووڵپوور\" ڕاگەیەنراوە.
ئەو سەرچاوەیە تەمەنی دەستبەسەرکراوەکانی لە نێوان ٢٠ هەتا ٣٣ساڵ ڕاگەیاندووە.
شاری شنۆ لە ٧٠ کیلۆمێتری لە باشووری ڕوژئاوای شاری ورمێ هەڵکەوتووە و ٣٥ هەزار کەس حەشیمەتی هەیە.
ئەو ڕاپۆڕتە باس لە چۆنیەتی و شێوازی دەستبەسەر کردنی ئەو هاووڵاتییانە لە لایەن هێزە ئیتلاعاتییەکانەوە دەکات کە هەڵسوکەوتیان زۆر توند بووە و هێندێک لە گیراوەکان لەگەڵ ئازار و ئەشکەنجە بەرەوڕوو بوونەتەوە.
هەتا ئیستا لە هۆکار و هۆی دەستبەسەرکران و شوێنی ڕاگیرانی ئەو ٥ هاووڵاتییە هیچ زانیارییەک لە بەردەستدا نیە و بەدواداچوونی بنەماڵە و کەس و کاریان بۆ ئاگادار بوون لە گیراوەکان، بێئاکام ماوەتەوە.
سەرەڕای ڕاگەیاندنی بایکۆتی هەڵبژاردنەکانی ٧ی ڕەشەمە لە لایەن حیزبە کوردییەکان و کێبڕکێی ناتەندرووست و ساردوسڕیی بەربژێرەکان لە شار و گوندەکانی کوردستان، ئەو گومانە بەهێز دەکات کە ئەو کەسانە لە پەیوەندیی لەگەڵ حیزبە کوردییەکانی دژبەری حکوومەتی ئیسلامیی ئێران دەستبەسەر کرابن.
بەپێی هەواڵی گەیشتوو بە ئاژانسی هەواڵدەریی کوردپا، دوای چوار ڕۆژ لە هەڵبژاردنەکانی ئێران، ٥ هاووڵاتی لە شاری شنۆ دەستبەسەر کراون و چارەنووسیان هەتا ئێستا بە ناڕوونی ماوەتەوە.
ڕاپۆڕتە باوەڕپێکراوەکانی هەواڵنێری کوردپا لەو شارە، باس لە دەستبەسەر کردن و گواستنەوەی ئەو هاووڵاتییانە بۆ شوێنێکی نادیار دەکات لە لایەن هێزە ئیتلاعاتییەکانەوە.
هەواڵنێری کوردپا وێڕای پشتڕاست کردنەوەی شوناسی ئەو ٥ کەسە ئەوەشی خستەڕوو کە؛ دەستبەسەر کراوەکان ٨ کەسن، بەڵام شوناسی سێ کەسیان هەتا ئێستا ڕوون نەبووەتەە.
شوناسی ئەو پێنج هاووڵاتییە دەستبەسەر کراوە بە ناوەکانی \"وەلی شەریفی\"، \"ڕەزا عێزەت تاج\"، \"محەممەد ڕوویان\"، \"فاروق شەفاهی\" و سابیر ڕەسووڵپوور\" ڕاگەیەنراوە.
ئەو سەرچاوەیە تەمەنی دەستبەسەرکراوەکانی لە نێوان ٢٠ هەتا ٣٣ساڵ ڕاگەیاندووە.
شاری شنۆ لە ٧٠ کیلۆمێتری لە باشووری ڕوژئاوای شاری ورمێ هەڵکەوتووە و ٣٥ هەزار کەس حەشیمەتی هەیە.
ئەو ڕاپۆڕتە باس لە چۆنیەتی و شێوازی دەستبەسەر کردنی ئەو هاووڵاتییانە لە لایەن هێزە ئیتلاعاتییەکانەوە دەکات کە هەڵسوکەوتیان زۆر توند بووە و هێندێک لە گیراوەکان لەگەڵ ئازار و ئەشکەنجە بەرەوڕوو بوونەتەوە.
هەتا ئیستا لە هۆکار و هۆی دەستبەسەرکران و شوێنی ڕاگیرانی ئەو ٥ هاووڵاتییە هیچ زانیارییەک لە بەردەستدا نیە و بەدواداچوونی بنەماڵە و کەس و کاریان بۆ ئاگادار بوون لە گیراوەکان، بێئاکام ماوەتەوە.
سەرەڕای ڕاگەیاندنی بایکۆتی هەڵبژاردنەکانی ٧ی ڕەشەمە لە لایەن حیزبە کوردییەکان و کێبڕکێی ناتەندرووست و ساردوسڕیی بەربژێرەکان لە شار و گوندەکانی کوردستان، ئەو گومانە بەهێز دەکات کە ئەو کەسانە لە پەیوەندیی لەگەڵ حیزبە کوردییەکانی دژبەری حکوومەتی ئیسلامیی ئێران دەستبەسەر کرابن.
