خۆسووتاندنی ژنێکی دیکە لە شاری مەریوان
14:21 - 26 بانەمەڕ 2713
ئاژانسی کوردپا: ژنێکی دیکە لە شاری مەریوان بەهۆی کێشەی کۆمەڵایەتیەوە ئاگری لە جەستەی خۆی بەردا و کۆتایی بە ژیانی خۆی هینا.
بەپێی راپۆرتی ئاژانسی هەواڵدەریی کوردپا، رۆژی یەکشەممە رێکەوتی ٢٢ی بانەمەڕ ژنێک بەناوی \" شەرمین\" تەمەن ٢٦ ساڵ و خەڵکی گوندی \"ولە ژێر\"ی سەربە شاری مەریوان، ئاگری لە جەستەی خۆی بەردا و پاش ٢ رۆژ مانەوە لە نەخۆشخانە بەهۆی قوڵیی برینەکانییەوە گیانی لەدەست دا.
سەرچاوەیەکی ئاگادار بە هەواڵنێری کوردپای راگەیاند: ئەو ژنە چەند رۆژ پێش ئێستا لەگەڵ هاوسەرەکەی خۆی بەکێشە هاتبوو کە بەو هۆیەوە رووی لە ماڵی براکانی کردبوو کە لەلایەن براکانی خۆشییەوە بەرەوڕووی توندوتیژی و لێدان ببوویەوە کە لە ئەنجامدا ئاگری لە جەستەی خۆی بەردابوو.
توێژەرانی کۆمەڵایەتی لەسەر ئەو باوەڕەن کە ژنان خۆسووتاندن بە یەکێک لە رێگەکانی تۆڵە ئەستاندنەوە و ئازار دانی ئەو کەسانەی کە توندوتیژییان بەرامبەر نواندوون، دەزانن. بۆیە لە کاتێکدا کە بەرەوڕووی توندوتیژی جەستەیی و جینسی دەبنەوە، زیاتر پەنا بۆ خۆسووتاندن دەبەن. بەو هۆیەوە خۆسووتاندن وەک باوترین شێوەی خۆکوشتنی ژنان بەرچاو دەکەوێت.
بەپێی راپۆرتی ئاژانسی هەواڵدەریی کوردپا، رۆژی یەکشەممە رێکەوتی ٢٢ی بانەمەڕ ژنێک بەناوی \" شەرمین\" تەمەن ٢٦ ساڵ و خەڵکی گوندی \"ولە ژێر\"ی سەربە شاری مەریوان، ئاگری لە جەستەی خۆی بەردا و پاش ٢ رۆژ مانەوە لە نەخۆشخانە بەهۆی قوڵیی برینەکانییەوە گیانی لەدەست دا.
سەرچاوەیەکی ئاگادار بە هەواڵنێری کوردپای راگەیاند: ئەو ژنە چەند رۆژ پێش ئێستا لەگەڵ هاوسەرەکەی خۆی بەکێشە هاتبوو کە بەو هۆیەوە رووی لە ماڵی براکانی کردبوو کە لەلایەن براکانی خۆشییەوە بەرەوڕووی توندوتیژی و لێدان ببوویەوە کە لە ئەنجامدا ئاگری لە جەستەی خۆی بەردابوو.
توێژەرانی کۆمەڵایەتی لەسەر ئەو باوەڕەن کە ژنان خۆسووتاندن بە یەکێک لە رێگەکانی تۆڵە ئەستاندنەوە و ئازار دانی ئەو کەسانەی کە توندوتیژییان بەرامبەر نواندوون، دەزانن. بۆیە لە کاتێکدا کە بەرەوڕووی توندوتیژی جەستەیی و جینسی دەبنەوە، زیاتر پەنا بۆ خۆسووتاندن دەبەن. بەو هۆیەوە خۆسووتاندن وەک باوترین شێوەی خۆکوشتنی ژنان بەرچاو دەکەوێت.
