خوێندكارێكی كورد لە زانستگای كوردستان لە سنە كوژرا

كوردپا: خوێندكارێكی كوردی خەڵكی بانە لە زانستگای كوردستان لە سنە بەهۆیەكی ناڕوون كوژرا.

بەپێی راپۆرتی ئاژانسیی هەواڵدەریی كوردپا لە شاری سنە، خوێندكارێكی كورد بەناوی \"سارۆ میهری\" كوڕی عومەر و خەڵكی شاری بانە، خوێندكاری رشتەی عومران و قۆناغی دووەم رۆژی شەممە رێكەوتی 19ی خاكەلێوە بەهۆیەكی ناڕوون كوژراوە.

تەرمی ئەو خوێندكارە كوردە ئێستا لە پزیشك قانوونیی شاری سنە لەژێر پشكنین و لێكۆڵینەوە دایە.

هەتا كاتی بڵاو بوونەوەی ئەم هەواڵە لەمەڕ هۆكاری كوژرانی ئەو خوێندكارە كوردە هەواڵ و زانیارییەكی ورد لەبەر دەستدا نیە.