حەسەن قوربانی برای حەیدەر قوربانی دەسبەسەر کرا
17:13 - 28 سەرماوەز 2721
ئەمڕۆ یەکشەممە ٢٨ی سەرماوەز، "حەسەن قوربانی" برای حەیدەر قوربانی زیندانیی سیاسیی کوردی ئێعدامکراو، لەلایەن هێزە ئەمنییەتییەکانەوە دەسبەسەر کرا.
ئەو هاووڵاتییە کوردە، پاش لەسێدارەدانی حەیدەر قوربانی لە زیندانی سنە، لەلایەن هێزە ئەمنییەتییەکانەوە دەسبەسەر کرابوو.
سەرلەبەیانیی ئەمڕۆ یەکشەممە ٢٨ی سەرماوەز، "حەیدەر قوربانی" زیندانیی سیاسیی کوردی خەڵکی شاری کامیاران لە زیندانی سنە لە سێدارە درا.
بە وتەی سەرچاوەیەکی ئاگادار، ئەو زیندانییە سیاسییە بەبێ ئاگاداریی بنەماڵەکەی ئێعدام و ئیزنی دوایین چاوپێکەوتنی لەگەڵ بنەماڵەکەی پێ نەدراوە.
ئەو سەرچاوەیە هەروەها وتی: "تەرمی حەیدەر قوربانی لەلایەن هێزە ئەمنییەتییەکانەوە ئەسپەردەی خاک کراوە".
