حەسەن شێخ ئاقایی بە دانانی بارمتەی ٢٠٠ میلیۆن تمەنی ئازاد کرا
15:38 - 16 سەرماوەز 2715
ئاژانسی کوردپا: حسەن شێخئاقایی ڕۆژنامەنووس و بەڕێوەبەری وێبسایتی \"ڕوانگە\" پاش ٢ مانگ دەستبەسەربوون، بە دانانی بارمتەی قورس لە زیندان ئازاد کرا.
بەپێی هەواڵە بڵاو کراوەکان، ڕۆژی یەکشەممە پازدەی سەرماوەز، حسەن شێخئاقایی ڕۆژنامەنووس و بەڕێوەبەری وێبسایتی \"ڕوانگە\"، بە دانانی بارمتەی ٢٠٠ میلیۆن تمەنی، پاش ٢ مانگ دەستبەسەربوون لە زیندانی ورمێ ئازاد کرا، بەڵام چالاکییەکانی وێبسایتی \"ڕوانگە\"، هێشتاش ڕاگیراوە.
حسەن شێخئاقایی، لە نێوەڕاستی ڕەزبەری ئەمساڵدا، لە شوێنی کارەکەی لە مەهاباد لە لایەن هێزە ئینتیزامییەکانەوە دەستبەسەر کرابوو.
دوو حەوتوو پێشتریش دامودەزگا ئەمنیەتیی و دادوەرییەکانی حکوومەتی ئیسلامیی ئێران، بڕیاری دەستبەسەریی ئەم ڕۆژنامەنووسەیان بۆ ماوەی مانگێکی دیکەش درێژ کردەوە.
تاوانی وەپاڵدراوی ئەم بەڕێوەبەرەی وێبسایتی \"ڕوانگە\"، چالاکیی تەبلیغی لە دژی نیزام ڕاگەیەندراوە کە بەپێی وتەکانی شێخئاقایی، بەپێی ڕێژەی ڕاپۆرتە درۆیین و ساختە و بێبنەماکان بووە.
ماوەیەک پێش ئێستاش هەواڵنێرانی بێسنوور بە نیسبەت دەستبەسەری و نادیاربوونی چارەنووسی حسەن شێخئاقایی نیگەرانیی خۆیان دەربڕیبوو.
ئەم ڕۆژنامەنوسە کوردە لە مانگی پووشپەڕی ساڵی ١٣٨٨دا و پاش ڕووداوەکانی هەڵبژاردنی سەرۆککۆماریی لەو ساڵەدا دەستبەسەر و پاش ماوەیەک ئازاد کرابوو.
لە ٢٧ی خەزەڵوەری ئەمساڵیشدا، ڕێژەیەک لە چالاکانی کورد و غەیرە کورد لە نامەیەکدا داوایان لە بەرپرسان کردبوو کە بواری \"ئازادیی حسەن شێخئاقایی و بەردەوامیی چالاکیی وێبسایتی ڕوانگە\" بڕەخسێنن.
بەپێی هەواڵە بڵاو کراوەکان، ڕۆژی یەکشەممە پازدەی سەرماوەز، حسەن شێخئاقایی ڕۆژنامەنووس و بەڕێوەبەری وێبسایتی \"ڕوانگە\"، بە دانانی بارمتەی ٢٠٠ میلیۆن تمەنی، پاش ٢ مانگ دەستبەسەربوون لە زیندانی ورمێ ئازاد کرا، بەڵام چالاکییەکانی وێبسایتی \"ڕوانگە\"، هێشتاش ڕاگیراوە.
حسەن شێخئاقایی، لە نێوەڕاستی ڕەزبەری ئەمساڵدا، لە شوێنی کارەکەی لە مەهاباد لە لایەن هێزە ئینتیزامییەکانەوە دەستبەسەر کرابوو.
دوو حەوتوو پێشتریش دامودەزگا ئەمنیەتیی و دادوەرییەکانی حکوومەتی ئیسلامیی ئێران، بڕیاری دەستبەسەریی ئەم ڕۆژنامەنووسەیان بۆ ماوەی مانگێکی دیکەش درێژ کردەوە.
تاوانی وەپاڵدراوی ئەم بەڕێوەبەرەی وێبسایتی \"ڕوانگە\"، چالاکیی تەبلیغی لە دژی نیزام ڕاگەیەندراوە کە بەپێی وتەکانی شێخئاقایی، بەپێی ڕێژەی ڕاپۆرتە درۆیین و ساختە و بێبنەماکان بووە.
ماوەیەک پێش ئێستاش هەواڵنێرانی بێسنوور بە نیسبەت دەستبەسەری و نادیاربوونی چارەنووسی حسەن شێخئاقایی نیگەرانیی خۆیان دەربڕیبوو.
ئەم ڕۆژنامەنوسە کوردە لە مانگی پووشپەڕی ساڵی ١٣٨٨دا و پاش ڕووداوەکانی هەڵبژاردنی سەرۆککۆماریی لەو ساڵەدا دەستبەسەر و پاش ماوەیەک ئازاد کرابوو.
لە ٢٧ی خەزەڵوەری ئەمساڵیشدا، ڕێژەیەک لە چالاکانی کورد و غەیرە کورد لە نامەیەکدا داوایان لە بەرپرسان کردبوو کە بواری \"ئازادیی حسەن شێخئاقایی و بەردەوامیی چالاکیی وێبسایتی ڕوانگە\" بڕەخسێنن.
