جەنازەی دوو پەناخوازی کورد گەڕێندرانەوە بۆ مەریوان

ڕۆژی پێنجشەممە ٢٨ی ڕێبەندان، جەنازەی "جەلیل ڕەوانگەرد" و "سومەیە جامخانە" ژن و مێردی پەناخوازی مەریوانی کە مانگی ڕابردوو لە کاتی ڕۆیشتن بۆ ئورووپا، لە ئاوەکانی یوونان خنکابوون، گەڕێندرانەوە مەریوان و ئەسپەردەی خاک کران.

ڕۆژی پێنجشەممە ٢٣ی بەفرانبار، جەلیل ڕەوانگەرد و سومەیە جامخانە، دوو پەناخوازی خەڵکی شاری مەریوان لە ئاوەکانی یوونان خنکابوون.

ئەو ژن و مێردە مەریوانییە ساڵی ڕابردوو زێدی خۆیان بەجێهێشتبوو و دوای ماوەیەک لە وڵاتی تورکییەوە ڕۆیشتبوونه وڵاتی یوونان.