بەرپرسی زیندانی ورمێ هەڕەشەیان لە زیندانییان کرد

ڕۆژی یەکشەممە ٢٧ی ڕێبەندان، زیندانییانی زیندانی ورمێ، داوایان لێکراوە بەشداری لە ١١یەمین خولی هەڵبژاردنەکانی مەجلیس‌دا بکەن.

سەرچاوەیەکی ئاگادار لەو بارەیەوە بە ئاژانسی کوردپا ڕایگەیاند: "سۆهرابی بەرپرسی زیندانی ورمێ، لە قسەکانیدا، پێداگری لە سەر ئەوە کردووە کە بەشداری لە هەڵبژاردنەکاندا زۆرەملێیە".

ئەو سەرچاوەیە هەروەها ئەوەشی خستەڕوو: "بەرپەرسی زیندانی ورمێ هەڕەشەی لە زیندانییان کردووە لە ئەگەری بەشدارینەکردن لە دانگدان، لە مافی مەرەخەسی بێبەری دەکرێن".

زیندانی ناوەندی ورمێ، لە ساڵی ٤٨ی هەتاوی دامەزراوە و ١٣و بەندی هەیە و ناوەندی سەرپەرەستی کردنی ئەو زیندانە، ڕێکخراوی زیندانەکانی هێزی قەزاییەیە.