برایانی کوردپوور حوکمی زیندان و دوور خستنەوەیان بۆ بڕایەوە
12:48 - 19 خەزەڵوەر 2713
ئاژانسی کوردپا: دەزگای قەزایی حکوومەتی ئیسلامیی ئێران ٢ رۆژنامە نووسی کوردی سەرجەم بە ٩ ساڵ و ٦ مانگ زیندانیی تەعزیری مەحکووم کرد.
بەپێی راپۆرتی ئاژانسی هەواڵدەریی کوردپا؛ مەسعوود و خوسرەو کوردپوور و دوو برای رۆژنامەنووسی کوردی خەڵکی مەهاباد لەلایەن دادگای ئینقلابی ئەو شارەوە سەرجەم ٩ ساڵ و ٦ مانگ زیندانیی تەعزیرییان بۆ بڕایەوە.
ئەو دوو چالاکە کوردە پاش ٨ مانگ راگیران لە زیندان و سێ جار دادگایی کران بە سەرۆکایەتیی دادوەر جەوادی کیا، ئەو حوکمەیان بۆ بڕاوەتەوە.
ئاژانسی موکریان لە زاری پارێزەری کوردپوورەکانەوە بڵاوی کردۆتەوە، خوسرەو کوردپوور بە تۆمەتی \" کۆبوونەوە و هاودەستی کردن بەدژی نیزام\" بە ٥ ساڵ زیندانیی تەعزیری و هەروەها لە پەیوەندی لەگەڵ \"چالاکی تەبلیغی\" بە ١ ساڵ زیندانییی تەعزیری و سەرجەم بە ٦ ساڵ زیندانیی تەعزیری مەحکووم کراوە.
هەمان سەرچاوە حوکمی مەسعوود کوردپووری لەپەیوەندی لەگەڵ \"کۆبوونەوە و هاودەستی کردن بەدژی نیزام\" بە ٣ ساڵ زیندانیی تەعزیری و لە پەیوەندی لەگەڵ \"چالاکی تەبلیغی\" ٦ مانگ زیندانیی تەعزیری و سەرجەم حوکمی مەسعوود کوردپووری ٣ ساڵ و نیو زیندانیی تەعزیری، راگەیاندووە.
ناوەڕاست مانگی گەلاوێژ و کۆتاییەکانی مانگی خەزەڵوەری ئەمساڵ، دادگای ئینقلابی شاری مەهاباد، مەسعوود و خوسرەو کوردپووری بە \"دژایەتی کردنی خودا و چالاکی تەبلیغی بەدژی نیزام، بێ‌ڕێزی کردن بە رێبەری نیزام و بڵاوکردنەوەی درۆ\" تۆمەتبار کردبوو.
هەروەها بەپێی ئەو حوکمەی دادگای ئینقلابی شاری مەهاباد، خوسرەو کوردپوور بەرپرسی ئاژانسی موکریان دەبێ بۆ ماوەی دوو ساڵ بۆ شاری کرمان دوور بخرێتەوە و بەهۆی پاراستنی باری ئەمنیی، دەبێ ماوەی ٥ ساڵ لە حوکمەکەی لە زیندانی تەورێز تێپەڕ بکات.
چوار پارێزەری برایانی کوردپوور، ناڕەزایەتییان بەو حوکمە دەربڕیوە و لە دادگایی پێداچوونەوەی ئوستان بەدواداچوون بۆ پەروەندەکەی ئەو دوو چالاکە کوردە دەکەن.
لە حەفتەکانی رابردوودا رێکخراوی لێبوردنی نێونەتەوەیی داوای لە بەرپرسانی حکوومەتی ئیسلامیی ئێران کردبوو کە تۆمەتی سەر برایانی کوردپوور لا ببەن.
پێشتریش ئەحمەد شەهید لە راپۆرتی خۆیدا مەسعوود و خوسرەو کوردپووری ووەک دوو کەس لە ٤٠ رۆژنامەنووسی ئێرانیی زیندانی کراو لە قەلەم دابوو.
خوسرەو کوردپوور رێکەوتی ١٧ی رەشەممە و مەسعوود کوردپووریش دوو رۆژ دواتر لەلایەن هێزە ئیتلاعاتییەکانەوە لەشاری مەهاباد دەستبەسەر کرا.
بەپێی راپۆرتی ئاژانسی هەواڵدەریی کوردپا؛ مەسعوود و خوسرەو کوردپوور و دوو برای رۆژنامەنووسی کوردی خەڵکی مەهاباد لەلایەن دادگای ئینقلابی ئەو شارەوە سەرجەم ٩ ساڵ و ٦ مانگ زیندانیی تەعزیرییان بۆ بڕایەوە.
ئەو دوو چالاکە کوردە پاش ٨ مانگ راگیران لە زیندان و سێ جار دادگایی کران بە سەرۆکایەتیی دادوەر جەوادی کیا، ئەو حوکمەیان بۆ بڕاوەتەوە.
ئاژانسی موکریان لە زاری پارێزەری کوردپوورەکانەوە بڵاوی کردۆتەوە، خوسرەو کوردپوور بە تۆمەتی \" کۆبوونەوە و هاودەستی کردن بەدژی نیزام\" بە ٥ ساڵ زیندانیی تەعزیری و هەروەها لە پەیوەندی لەگەڵ \"چالاکی تەبلیغی\" بە ١ ساڵ زیندانییی تەعزیری و سەرجەم بە ٦ ساڵ زیندانیی تەعزیری مەحکووم کراوە.
هەمان سەرچاوە حوکمی مەسعوود کوردپووری لەپەیوەندی لەگەڵ \"کۆبوونەوە و هاودەستی کردن بەدژی نیزام\" بە ٣ ساڵ زیندانیی تەعزیری و لە پەیوەندی لەگەڵ \"چالاکی تەبلیغی\" ٦ مانگ زیندانیی تەعزیری و سەرجەم حوکمی مەسعوود کوردپووری ٣ ساڵ و نیو زیندانیی تەعزیری، راگەیاندووە.
ناوەڕاست مانگی گەلاوێژ و کۆتاییەکانی مانگی خەزەڵوەری ئەمساڵ، دادگای ئینقلابی شاری مەهاباد، مەسعوود و خوسرەو کوردپووری بە \"دژایەتی کردنی خودا و چالاکی تەبلیغی بەدژی نیزام، بێ‌ڕێزی کردن بە رێبەری نیزام و بڵاوکردنەوەی درۆ\" تۆمەتبار کردبوو.
هەروەها بەپێی ئەو حوکمەی دادگای ئینقلابی شاری مەهاباد، خوسرەو کوردپوور بەرپرسی ئاژانسی موکریان دەبێ بۆ ماوەی دوو ساڵ بۆ شاری کرمان دوور بخرێتەوە و بەهۆی پاراستنی باری ئەمنیی، دەبێ ماوەی ٥ ساڵ لە حوکمەکەی لە زیندانی تەورێز تێپەڕ بکات.
چوار پارێزەری برایانی کوردپوور، ناڕەزایەتییان بەو حوکمە دەربڕیوە و لە دادگایی پێداچوونەوەی ئوستان بەدواداچوون بۆ پەروەندەکەی ئەو دوو چالاکە کوردە دەکەن.
لە حەفتەکانی رابردوودا رێکخراوی لێبوردنی نێونەتەوەیی داوای لە بەرپرسانی حکوومەتی ئیسلامیی ئێران کردبوو کە تۆمەتی سەر برایانی کوردپوور لا ببەن.
پێشتریش ئەحمەد شەهید لە راپۆرتی خۆیدا مەسعوود و خوسرەو کوردپووری ووەک دوو کەس لە ٤٠ رۆژنامەنووسی ئێرانیی زیندانی کراو لە قەلەم دابوو.
خوسرەو کوردپوور رێکەوتی ١٧ی رەشەممە و مەسعوود کوردپووریش دوو رۆژ دواتر لەلایەن هێزە ئیتلاعاتییەکانەوە لەشاری مەهاباد دەستبەسەر کرا.
