بازاڕییانی شارەکی زێوە لە بەرانبەر بینای بەخشداریی سیلوانادا کۆبوونەوە
15:18 - 20 بانەمەڕ 2719
ئاژانسی کوردپا: پاش تەشەنەسەندی شەڕ و پێکدادان لە نێوان بازاڕییانی شارەکی زێوە و یەکیەتیی تەعاونی، بازاڕییان لە هەمبەر ناڕەزایەتی لە ناڕوونیی کێشەکانیان، دووکانەکانیان داخست و لە پێش بینای بەخشداریی سیلوانا، کۆبوونەوە.
بەپێی ڕاپۆرتی گەیشتوو بە ئاژانسی هەواڵدەریی کوردپا، ڕۆژی پێنجشەممە، ١٩ی بانەمەڕ، بازاڕییانی شارەکی زێوە، لە هەمبەر هەوڵەکانی یەکیەتیی تەعاونی لە بەرانبەر بینای بەخشداری کۆبوونەوە و خوازیاری پێڕاگەیشتن بە داخوازییەکانیان بوون.
یەکێک لە دووکاندارانی شارەکی زێوە لە وتووژێکدا لەگەڵ هەواڵنێریی کوردپا ڕایگەیاند: دووکانداران لە لە مێژە ئەو دووکانانەیان کڕیوە و پاش ئیدعای یەکیەتیی تەعاونی لەمەڕ خاوەنداریەتیی زەوییەکانی ئۆردووگای زێوە، چارەنووسی دووکانداران لە ٤٠ ساڵی ڕابردوودا، ناڕوونە.
بە وتەی ناوبراو، بازاڕییان بۆ چاککردن و نۆژەنکردنەوەی دووکانەکانیان بڕی ١٢٠ میلیۆن تەمەن تێچوویان خەرج کردووە و یەکیەتیی تەعاونی داوای لەوان کردووە هەتا دووکانەکانی خۆیان ڕادەستی یەکیەتیی تەعاونی بکەن و دووبارە دەستیان بە نرخدانان لەسەر دووکانەکان کردووە.
![\"\"](\"http://www.kurdpa.net/wenekan/2019-05/301242-5ef4c98db8f3831e3cca30ad0cf1d0c1.jpg\")
بە وتەی ئەو دووکاندارەی شارەکی زێوە، نرخی دیاریکراوی تەعاونی لە نێوان ٢٠٠ هەتا ٣٠٠ میلیۆن تەمەن دەبێت و بازاڕییان بە کۆبوونەوە لە بەردەم بینای بەخشداریی سیلوانادا ڕایانگەیاندووە کە لە ئەگەری پشتگوێخستنی داخوازییەکانمان لە بەرانبەر بینای فەرمانداریی شاری ورمێدا کۆ دەبینەوە.
ئەو دووکاندارە کە نەیویست ناوی ئاشکرا بکرێت، ڕایگەیاند: بڵاوبوونەوەی هێندێک هەواڵ لە کاناڵە خەبەرییەکان، سەبارەت بە کۆتایی هاتنی ململانێی بازاڕییانی شارەکی زێوە و یەکیەتیی تەعاونی ڕەت دەکەمەوە و کێشەکانی نێوان بازاڕییان و یەکیەتیی تەعاونی هەروەها درێژەی هەیە.
لەو پەیوەندییەدا، ڕۆژی سێشەممە، ١٧ی بانەمەڕ، یەکیەتیی تەعاونی لەگەڵ دێهیاری شارەکی زێوە و هێزە ئینتزامییەکان، هێرشیان کردە سەر دووکاندارانی ئەو شارەکە و شەڕ و پێکدادانان لە نێوانیاندا ڕووی دا.
ناوەندە پەیوەندییەدارەکانی حکوومەت، ٤٠٠ دووکانداریان، لە شارەکی زێوەی ناوچەی مەرگەوەڕ، خستووەتە ژێر گوشارەوە، هەتا دووکانەکانیان ڕادەستی ئەوان بکەن.
بەپێی ڕاپۆرتی گەیشتوو بە ئاژانسی هەواڵدەریی کوردپا، ڕۆژی پێنجشەممە، ١٩ی بانەمەڕ، بازاڕییانی شارەکی زێوە، لە هەمبەر هەوڵەکانی یەکیەتیی تەعاونی لە بەرانبەر بینای بەخشداری کۆبوونەوە و خوازیاری پێڕاگەیشتن بە داخوازییەکانیان بوون.
یەکێک لە دووکاندارانی شارەکی زێوە لە وتووژێکدا لەگەڵ هەواڵنێریی کوردپا ڕایگەیاند: دووکانداران لە لە مێژە ئەو دووکانانەیان کڕیوە و پاش ئیدعای یەکیەتیی تەعاونی لەمەڕ خاوەنداریەتیی زەوییەکانی ئۆردووگای زێوە، چارەنووسی دووکانداران لە ٤٠ ساڵی ڕابردوودا، ناڕوونە.
بە وتەی ناوبراو، بازاڕییان بۆ چاککردن و نۆژەنکردنەوەی دووکانەکانیان بڕی ١٢٠ میلیۆن تەمەن تێچوویان خەرج کردووە و یەکیەتیی تەعاونی داوای لەوان کردووە هەتا دووکانەکانی خۆیان ڕادەستی یەکیەتیی تەعاونی بکەن و دووبارە دەستیان بە نرخدانان لەسەر دووکانەکان کردووە.
بە وتەی ئەو دووکاندارەی شارەکی زێوە، نرخی دیاریکراوی تەعاونی لە نێوان ٢٠٠ هەتا ٣٠٠ میلیۆن تەمەن دەبێت و بازاڕییان بە کۆبوونەوە لە بەردەم بینای بەخشداریی سیلوانادا ڕایانگەیاندووە کە لە ئەگەری پشتگوێخستنی داخوازییەکانمان لە بەرانبەر بینای فەرمانداریی شاری ورمێدا کۆ دەبینەوە.ئەو دووکاندارە کە نەیویست ناوی ئاشکرا بکرێت، ڕایگەیاند: بڵاوبوونەوەی هێندێک هەواڵ لە کاناڵە خەبەرییەکان، سەبارەت بە کۆتایی هاتنی ململانێی بازاڕییانی شارەکی زێوە و یەکیەتیی تەعاونی ڕەت دەکەمەوە و کێشەکانی نێوان بازاڕییان و یەکیەتیی تەعاونی هەروەها درێژەی هەیە.
لەو پەیوەندییەدا، ڕۆژی سێشەممە، ١٧ی بانەمەڕ، یەکیەتیی تەعاونی لەگەڵ دێهیاری شارەکی زێوە و هێزە ئینتزامییەکان، هێرشیان کردە سەر دووکاندارانی ئەو شارەکە و شەڕ و پێکدادانان لە نێوانیاندا ڕووی دا.
ناوەندە پەیوەندییەدارەکانی حکوومەت، ٤٠٠ دووکانداریان، لە شارەکی زێوەی ناوچەی مەرگەوەڕ، خستووەتە ژێر گوشارەوە، هەتا دووکانەکانیان ڕادەستی ئەوان بکەن.
