ئاماری خۆكوژی لە ئێران/ ئیلام و كرماشان لە ریزی پێشەوەن
20:01 - 15 رەشەمه 2711
![](/weney-babet/3685.jpg)
كوردپا: بەپێی لێكۆڵینەوە و ئامارەكان لە ساڵی 2001 هەتا 2010 پارێزگا كوردنشینەكانی رۆژئاوای ئێران زیاترین رێژەی \"مەرگی گومان بە خۆكوژی\"یان لە سەرانسەری ئێران بۆ خۆیان تەرخان كردووە.
لە \"كۆبوونەوەی سەرانسەریی خۆكوژی\" كە رێكەوتی 10 هەتا 12ی رەشەممە لە شاری زەنجان بەڕێوە چوو، پزیشكی قانوونیی ئێران لە لێدوانێكدا ئاماری خۆكوژیی ژنان و پیاوانی لە هێندێپارێزگاكانی ئێران خستە روو.
هەواڵدەریی ئیسنا لەزاری \"سەعدوڵڵا مورادی\"یەوە بڵاوی كردەوە: لە زستانی 88ەوە هەتا پاییزی 89 دوای تاران، كرماشان بە 247 كەس، لوڕستان 228كەس، بە نیسبەت حەشیمەت زیاترین رێژەی مەرگی گومان بە خۆكوژی تێیاندا رووی داوە.
ئەو بەرپرسە حكوومەتیە لە درێژەدا بە ئاماژە بەوەی كەلە هەر سەد هەزار كەس حەشیمەتی ئێران نزیك بە 7/4 كەس بەهۆی مەرگی ئاساییەوە نەمردون، رایگەیاند: زیاترین رێژەی مەرگی گوماناوی لە پارێزگای ئیلام بووە و پارێزگاكانی لوڕستان و كرماشانیش هەركام بە 13 كەس لە بەرامبەر سەد هەزار كەس حەشیمەت، پلەی دووەم و سێیەمی خۆكوژییان لە ئاستی ئێراندا هەیە.
مورادی كە ئەو ئامارانەی لە توێژینەوەیەكدا لە كۆبوونەوەی زەنجان خستبووە روو، باسی لە رێژەی 4/2ی خۆكوژیی پیاوان بە نیسبەت ژنان لە سەرانسەر ئێران كرد و وتی: زیاترین ئاماری خۆكوژیی ژنان بە نیسبەت پیاوان لە پارێزگای ئیلام دایە بە 1/25 كەس و هەروەها پارێزگای لوڕستانیش بە 4/12 كەس لە پلەی دووەم دایە.
ناوبراو رێژەی ئەو دۆسیە لەمێژینانەی كە پێوەندیان بە مەرگی گوماناوییەوە هەیە، بە 350 هەزار دۆسیە لە قەڵەم دا.
جێگری لێكۆڵینەوەی پزیشكی قانوونیی ئێران لە هۆكاری زیاد بوونی خۆكوژییەكانی لە رۆژئاوای ئێران خۆی بواردووە و تەنیا ئاماژەی بەو مەسەلەیە كرد و رایگەیاندووە، دەبێ\"روانینێكی ناوچەیی بۆ ئەم بابەتە\" و \"پەرەوەردەی پسپۆڕانی دەروونناسی\" و هەناردنیان بۆ ئەو ناچایەمان هەبێت.
كارناسان تەندروستیی، دەروون و كۆمەڵ، خەمۆكی، هەژار و دەستەنگی و بێكاری و هەروەها هەوڵدانی دەوڵەت لە راستای هەرچی بەرتەسك كردنەوەی بەستێنی لاوان بە گرینگترین هۆكارەكانی خۆكوژی لە ئێران لە قەڵەم دەدەن.
بەرپرسانی دەوڵەتی رادەگەیەنن كە نرخی بێكاری و هەژاری و دەستەنگیی كۆمەڵایەتی لە پارێزگاكانی ئیلام و كرماشان لە ریزی پێشەوەی پارێزگاكانی ئێرانەوەن.
بەپێی راپۆرتی دامەزراوە دەوڵەتییەكان تەمەنی خۆكوژی لە ئێران 15-24 ساڵە كە لەناو خوێندكارانی ئێرانی پاش رووداوی هاتوچۆ، خۆكوژی دووەمین هۆكاری مەرگە.
لە \"كۆبوونەوەی سەرانسەریی خۆكوژی\" كە رێكەوتی 10 هەتا 12ی رەشەممە لە شاری زەنجان بەڕێوە چوو، پزیشكی قانوونیی ئێران لە لێدوانێكدا ئاماری خۆكوژیی ژنان و پیاوانی لە هێندێپارێزگاكانی ئێران خستە روو.
هەواڵدەریی ئیسنا لەزاری \"سەعدوڵڵا مورادی\"یەوە بڵاوی كردەوە: لە زستانی 88ەوە هەتا پاییزی 89 دوای تاران، كرماشان بە 247 كەس، لوڕستان 228كەس، بە نیسبەت حەشیمەت زیاترین رێژەی مەرگی گومان بە خۆكوژی تێیاندا رووی داوە.
ئەو بەرپرسە حكوومەتیە لە درێژەدا بە ئاماژە بەوەی كەلە هەر سەد هەزار كەس حەشیمەتی ئێران نزیك بە 7/4 كەس بەهۆی مەرگی ئاساییەوە نەمردون، رایگەیاند: زیاترین رێژەی مەرگی گوماناوی لە پارێزگای ئیلام بووە و پارێزگاكانی لوڕستان و كرماشانیش هەركام بە 13 كەس لە بەرامبەر سەد هەزار كەس حەشیمەت، پلەی دووەم و سێیەمی خۆكوژییان لە ئاستی ئێراندا هەیە.
مورادی كە ئەو ئامارانەی لە توێژینەوەیەكدا لە كۆبوونەوەی زەنجان خستبووە روو، باسی لە رێژەی 4/2ی خۆكوژیی پیاوان بە نیسبەت ژنان لە سەرانسەر ئێران كرد و وتی: زیاترین ئاماری خۆكوژیی ژنان بە نیسبەت پیاوان لە پارێزگای ئیلام دایە بە 1/25 كەس و هەروەها پارێزگای لوڕستانیش بە 4/12 كەس لە پلەی دووەم دایە.
ناوبراو رێژەی ئەو دۆسیە لەمێژینانەی كە پێوەندیان بە مەرگی گوماناوییەوە هەیە، بە 350 هەزار دۆسیە لە قەڵەم دا.
جێگری لێكۆڵینەوەی پزیشكی قانوونیی ئێران لە هۆكاری زیاد بوونی خۆكوژییەكانی لە رۆژئاوای ئێران خۆی بواردووە و تەنیا ئاماژەی بەو مەسەلەیە كرد و رایگەیاندووە، دەبێ\"روانینێكی ناوچەیی بۆ ئەم بابەتە\" و \"پەرەوەردەی پسپۆڕانی دەروونناسی\" و هەناردنیان بۆ ئەو ناچایەمان هەبێت.
كارناسان تەندروستیی، دەروون و كۆمەڵ، خەمۆكی، هەژار و دەستەنگی و بێكاری و هەروەها هەوڵدانی دەوڵەت لە راستای هەرچی بەرتەسك كردنەوەی بەستێنی لاوان بە گرینگترین هۆكارەكانی خۆكوژی لە ئێران لە قەڵەم دەدەن.
بەرپرسانی دەوڵەتی رادەگەیەنن كە نرخی بێكاری و هەژاری و دەستەنگیی كۆمەڵایەتی لە پارێزگاكانی ئیلام و كرماشان لە ریزی پێشەوەی پارێزگاكانی ئێرانەوەن.
بەپێی راپۆرتی دامەزراوە دەوڵەتییەكان تەمەنی خۆكوژی لە ئێران 15-24 ساڵە كە لەناو خوێندكارانی ئێرانی پاش رووداوی هاتوچۆ، خۆكوژی دووەمین هۆكاری مەرگە.