كازمینی برووجێردی: توندوتێژی و تیرۆرەكان بە رێبەریی حكوومەتی ئێران ئەنجام دەدرێن
14:42 - 20 خەزەڵوەر 2711
كوردپا: برووجێردی لە ناو زیندانی ئێوینەوە نامەیەكی لەمەڕ سەرەڕوییەكانی حكوومەتی ئیسلامی ئێران پێشكەش بە هیلاری كلینتۆن كردووە و لەوێدا باس لە هێندێ خاڵی بەرچاو لە كردەوەكانی ئەو حكوومەتە كردووە.
ماڵپەڕی \"ایران گلوبال\" بڵاوی كردەوە، لە نامەكەدا هاتووە\" لێپرسراوی بەڕێزی وەزارەتی دەرەوەی ویلایەتە یەكگرتووەكانی ئەمریكا، خانمی دوكتوور هیلاری كلینتۆن سڵاوی منی زیندانی بێبەش كراو لە پارێزەر و پێداویستیی پزیشكی قبووڵ بفەرموون، هەر وەكوو بۆ خۆشتان ئاگادارن حكوومەتی كۆماری ئیسلامی ئێران بە دانی هێندێ بەڵێنی بێ بنەما توانی كورسیی دەسەڵات بە دەستەوە بگرێت و رۆژ لە دوای رۆژ زیاتر پەرە بە سەرەڕوییەكانی بدات بە چەشنێك كە ئێستا هیچ جێگە و پێگەیەكی جەماوەری چ لە ناوخۆ و چ لە دەرەوەش نەماوە\".
كازمینی برووجێردی لە بەشێكی دیكەی نامەكەیدا نووسیوەتی، ئەو حكوومەتە نەتەنیا حازەر نیە كە هەڵسوكەوتی نابەجێ و نەشیاوی خۆی بگۆڕێ، بەڵكوو سەرجەم رێكارە ئاشتیخوازەكانی بۆ هەر چەشنە رێفورم و ئاڵوگۆڕیك داخستووە.
لە بەشێكی دیكەی نامەكەدا ئەوە خراوەتە روو، حكوومەتی ئێران بە توندترین شێوە زیندانیانی سیاسی تیرۆری شەخسیەت دەكات و بە ناحەزترین شێوازیش ئەشكەنجەیان دەكەن و زۆر جاریش بێ سەروشوێنیان دەكەن و \"ئاخوندەكان\" بە هیچ جۆرێك ئامادە نین وڵامی ناوەندەكانی مافی مرۆڤ لەمەڕ ئەو پێشێلكارییانەیان بدەنەوە.
ئەو كەساییەتیە ئایینیە ئاشكراشی كردووە، دونیای دەرەوە لە هەمبەر كردەوەكانی ئەو حكوومەتە لەمەڕ پەرە پێدان بە تیرۆر و توندوتێژی لە ناوچەدا دەستەوەستان ماوە بە چەشنێك كە نازانی یارمەتی بە نەمانی ئەو حكوومەتە مەزهەبیە بدات یان نا.
برووجێردی ئەوەشی خستۆتە روو، \"دەبێ حكوومەتی ئێران لەلایەن ئیوە (ئەمریكا) و وڵاتانی رۆژئاواوە زیاتر تەریك بخرێتەوە و بەرنامەیەكی ریشەیی و گونجاو بۆ نەمانی ئەو حكوومەتە دژە مرۆڤایەتیە دابڕێژرێت.
سەید حوسێن كازمینی برووجێردی دژی سیستمی وێلایەتی فەقیهە و خوازیاری جیای دین لە دەوڵەتە.
ئەو كەسایەتییە سیاسیە زیاتر لە 5 ساڵ، واتە 1825 رۆژە لەلایەن هێزە ئەمنیەتییەكانی حكوومەتی ئیسلامی ئێرانەوە دەستبەسەر كراوە.
ماڵپەڕی \"ایران گلوبال\" بڵاوی كردەوە، لە نامەكەدا هاتووە\" لێپرسراوی بەڕێزی وەزارەتی دەرەوەی ویلایەتە یەكگرتووەكانی ئەمریكا، خانمی دوكتوور هیلاری كلینتۆن سڵاوی منی زیندانی بێبەش كراو لە پارێزەر و پێداویستیی پزیشكی قبووڵ بفەرموون، هەر وەكوو بۆ خۆشتان ئاگادارن حكوومەتی كۆماری ئیسلامی ئێران بە دانی هێندێ بەڵێنی بێ بنەما توانی كورسیی دەسەڵات بە دەستەوە بگرێت و رۆژ لە دوای رۆژ زیاتر پەرە بە سەرەڕوییەكانی بدات بە چەشنێك كە ئێستا هیچ جێگە و پێگەیەكی جەماوەری چ لە ناوخۆ و چ لە دەرەوەش نەماوە\".
كازمینی برووجێردی لە بەشێكی دیكەی نامەكەیدا نووسیوەتی، ئەو حكوومەتە نەتەنیا حازەر نیە كە هەڵسوكەوتی نابەجێ و نەشیاوی خۆی بگۆڕێ، بەڵكوو سەرجەم رێكارە ئاشتیخوازەكانی بۆ هەر چەشنە رێفورم و ئاڵوگۆڕیك داخستووە.
لە بەشێكی دیكەی نامەكەدا ئەوە خراوەتە روو، حكوومەتی ئێران بە توندترین شێوە زیندانیانی سیاسی تیرۆری شەخسیەت دەكات و بە ناحەزترین شێوازیش ئەشكەنجەیان دەكەن و زۆر جاریش بێ سەروشوێنیان دەكەن و \"ئاخوندەكان\" بە هیچ جۆرێك ئامادە نین وڵامی ناوەندەكانی مافی مرۆڤ لەمەڕ ئەو پێشێلكارییانەیان بدەنەوە.
ئەو كەساییەتیە ئایینیە ئاشكراشی كردووە، دونیای دەرەوە لە هەمبەر كردەوەكانی ئەو حكوومەتە لەمەڕ پەرە پێدان بە تیرۆر و توندوتێژی لە ناوچەدا دەستەوەستان ماوە بە چەشنێك كە نازانی یارمەتی بە نەمانی ئەو حكوومەتە مەزهەبیە بدات یان نا.
برووجێردی ئەوەشی خستۆتە روو، \"دەبێ حكوومەتی ئێران لەلایەن ئیوە (ئەمریكا) و وڵاتانی رۆژئاواوە زیاتر تەریك بخرێتەوە و بەرنامەیەكی ریشەیی و گونجاو بۆ نەمانی ئەو حكوومەتە دژە مرۆڤایەتیە دابڕێژرێت.
سەید حوسێن كازمینی برووجێردی دژی سیستمی وێلایەتی فەقیهە و خوازیاری جیای دین لە دەوڵەتە.
ئەو كەسایەتییە سیاسیە زیاتر لە 5 ساڵ، واتە 1825 رۆژە لەلایەن هێزە ئەمنیەتییەكانی حكوومەتی ئیسلامی ئێرانەوە دەستبەسەر كراوە.
