44 رۆژنامەنووسی کورد لە کوردستانی تورکیا دەستبەسەر کران

17:33 - 21 خەرمانان 2712
مافی مرۆڤ
ئاژانسی کوردپا: لە کوردستانی تورکیا 44 رۆژنامەنووسی کورد دەستبەسەر کراون کە چاوەروانی حوکمی دادگا دەکەن.

بە پێی هەواڵی “PUK media” ئەو چل‌وچوار رۆژنامەنووسە دەستبەسەر کراوەی کوردی کوردستانی تورکیا کە زۆربەیان هەواڵنێرانی ئاژانسی دیجلە و ڕۆژنامەکانی \"ئۆزگۆر گوندەم\" و \"ئازادییا وەلات\"ن چاوەڕوانی بەڕێوەچوونی دانیشتنی پانزدەیەمی دادگا لە ئستانبۆڵن.

دە ئەنجامی هێرش و دەست‌بەسەرکرانەکانی رۆژی 24ی بەفرانباری ساڵی پێشوو دا کە بۆ سەر ئەندامان و گومان‌لێکراوەکانی \"کۆما جڤاکێن کوردستان\" KCK کرا، سی‌وشەش رۆژنامەنووس دەست‌بەسەرکراون کە تا ئێستاش دانیشتنەکانی دادگا بێ ئاکام بووە و حوکمیان بۆ نەبڕاوەتەوە.

ئەو 8 رۆژنامەنووسە دەستبەسەر کراوەی تریش هەر بە تاوانی ئەندامەتیی حیزبە کوردییەکانی کوردستانی تورکیا گیراون.

هێندێک لە راوێژکارانی سیاسی و رۆژنامەنووسان پێیان وایە وەدواخستنی دانیشتنەکانی دادگا مەبەست‌دارە و بۆ درێژخایەن‌کردنی کاتی دەستبەسەر کردنی ئەو رۆژنامەنووسانەیە.

دە یەک ساڵی رابردوودا گوشار بۆ سەر رۆژنامەنووسانی کورد لە کوردستانی توکیا پەرەی گرتووە.

حەفتەیێک لەمەوبەریش \"ئۆرهان میرئۆغلۆ\"ی رۆژنامەنووسی کورد لە کارکردن لە رۆژنامەی \"تەرەف\"دا بێ‌بەشکرا.
11:15 - 5 سەرماوەز 2724
ڕاگواستنی فەرەیدوون سوڵتانی بۆ گرتنگەی ئیتلاعاتی ورمێ و درێژکردنەوەی بڕیاری دەسبەسەرکرانی بۆ ماوەی مانگێکی دیکە
11:10 - 5 سەرماوەز 2724
سنە؛ گرووپێک لە ژنان بە ئامادەبوون لەسەر مەزاری ژنانی کوژراو، توندوتیژیی سیستماتیکیان مەحکووم کرد و جەختیان لەسەر درێژەپێدانی خەبات کردەوە
11:03 - 5 سەرماوەز 2724
سنە؛ سەیران خوسرەوی، چالاکی مەدەنی لەلایەن هێزە ئەمنییەتییەکانەوە دەسبەسەر کرا
10:56 - 5 سەرماوەز 2724
مەیسەم نووری، بەندکراوی خەڵکی قوروە لە بەندیخانەی هەمەدان لە سێدارە درا