کرماشان؛ محەممەد تەقی شاوەیسی، بەندکراوی کورد لە سێدارە درا

سەرلەبەیانیی ڕۆژی چوارشەممە ١٦ی بانەمەڕی ١٤٠٥، سزای لەسێدارەدانی بەندکراوێکی کورد بە ناوی «محەممەد تەقی شاوەیسی» خەڵکی گوندی «گەزەنه» سەر بە شاری سەلاسی باوەجانی و دانیشتووی جوانڕۆ لە بەندیخانەی ناوەندیی کرماشان جێبەجێ کرا.

بە وتەی سەرچاوەیەکی ئاگادار، ئەم بەندکراوە ساڵی ڕابردوو بە تۆمەتی "کوشتنی بەئەنقەست" دەسبەسەر کرا و لەلایەن دەزگای دادوەریی حکوومەتی ئێرانەوە بە لەسێدارەدران سزا درا.

محەممەد تەقی شاوەیسی خێزاندار و خاوەنی چوار منداڵە.

تاکوو ئێستا هەواڵی لەسێدارەدرانی ئەم بەندکراوە لەلایەن ناوەندە فەرمییەکان و میدیا نێوخۆییەکانی ئێرانەوە ڕانەگەیەندراوە.